18, მაისი 2021 17:22:00
„ბათუმში, საერთაშორისო სტანდარტების სპორტული კომპლექსის მშენებლობა, ხელისუფლების კორუფციულ ინტერესებს შეეწირა.“ - ამ განცხადებას „ერთიან ნაციონალურ მოძრაობაში“ აკეთებენ. რეზო ხარაზის მტკიცებით, სარეაბილიტაციო სამუშაოები 1 წლის წინ უნდა დასრულებულიყო, თუმცა, პასუხისმგებელი კომპანიის წარმომადგენლებმა ქვეყნა დატოვეს. ოპოზიციონერი ამბობს, რომ ეკონომიკის სამინისტრომ, სამუშაოების დაწყებამდე კომპანიას, ავანსის სახით, 4 მილიონი დოლარი გადაურიცხა, რაც არსებული რეალობის გათვალისწინებით, წყალში გადაყრილია. ხარაზმა ყურადღება, ლეონიძის ქუჩაზე უფუნქციოდ დარჩენილ სპორტკომპლექსზეც გაამახვილა.