ამხანაგობების თავმჯდომარეების უფლებები, სამსახური ანაზღაურების გარეშე და მათი ბერკეტები - კორპუსის ხელმძღვანელი პირების კომპეტენციაში საცხოვრებლის ეზოების, სკვერების, საბავშვო ატრაქციონებისა და სადარბაზოების კეთილმოწყობა შედის. აუცილებელია, პასუხიმგებელმა პირმა განსაკუთრებული ყურადღება ჰიგიენურ პირობებზეც გაამახვილოს. დაკისრებული მოვალეობა კი სრულიად უანგაროდ შეასრულონ. რა გამოწვევებთან უწევთ გამკლავება ამხანაგობების თავმჯდომარებს და უნდა იყოს თუ არა გაწეული სამსახური ანაზღაურებადი?
მაყვალა, ბათუმში, ჯავახიშვილის ქუჩაზე ერთ-ერთ კორპუსში ცხოვრობს. ამბობს, რომ საკუთარი საცხოვრებლის ბინათამხანაგობის თავმჯდომარის მუშაობით კმაყოფილია. როგორც გვიყვება, იგი დაკისრებულ მოვალეობას პასუხისმგებლობით ეკიდება. მოქალაქის თქმით, მათი ამხანაგობის ხელმძღვანელი თითოეული მაცხოვრებლის პრობლემით ინტერესდება.
თალიკო რუხაძე თავისი საცხოვრებელი კორპუსის ამხანაგობის თავმჯდომარე 2005 წლიდანაა. გვიყვება, რომ ამ პერიოდში ეზოს განვთარებასა და კორპუსის ინფრასტრუქტურული სამუშაოების განხორციელებაში დიდი წვლილი მიუძღვის. მიუხედავად დიდი ძალისხმევისა, საქმიანობა, ხშირად, იმის გამო არ უფასდება, რომ რომელმე კონკრეტულ მოთხოვნაზე საჯარო უწყებების მხრიდან განცხადებების უგულებელყოფა ხდება ან დროში იწელება. ამბობს იმასაც, რომ სახელმწიფომ მათთვის მინიმალური ხელფასი უნდა განსაზღვროს, რათა ნაკლებადმოტივირებული თავმჯდომარეები პასუხისმგებლობას უფრო მეტი ენთუზიაზმით მოეკიდონ.
ამხანაგობების შრომა, რომ ანაზღაურებით უნდა ფინანსდებოდეს, ამაზე, ბათუმის საკრებულოს დამოუკდიებელი დეპუტატიც საუბრობს. არჩილ მამულაძე განმარტავს, რომ ეს ერთგგვარი პროფესიაა, რომელიც დიდ თუ პატარა კორპუსებში მცხოვრებლების, ყოფაცხოვრების გაუმჯობესებაზე ზრუნვას მოიცავს. მისი თქმით, ხელისუფლებამ, მათი პრობლემების შესახებ, ხშირად უნდა მოისმინოს.
საპირისპიროს ამტკიცებს, ქართული ოცნების გუნდის წევრი. საკრებულოს თავმჯდომარის მოადგილე ამბობს, რომ ამხანაგობების ხელმძღვანელები, ხელფასებით, მეზობლებმა უნდა უზრუნველყონ. თამაზ სალუქვაძის თქმით, მმართველი გუნდის დეპუტატები ამხანაგობების გამოწვევებზე მყისიერად რეაგირებენ და მათთან შეხვედრას, ყოველ კვირას, აწარმოებენ.
მუნიციპალური სერვსიების მართვის სააგენტოში თავს იმით იწონებენ, რომ ამხანაბაგობების მოთხოვნები, კორპუსების გადახურვასთან დაკავშრებით დააკმაყოფილეს და სხვა სამუშაოები, ეტაპობრივად, მიმდინარეობს. უნდა ანაზღაურდეს თუ არა იმათი შრომა, ვინც სპეციალურ სამსახურებს კორპუსებსა და ეზოებში არსებული პრობლემების აღმოფხვრარში ეხმარებიან, მუნციპალური სერვისების სააგენტოს დირექტორი ამბობს, რომ ეს მათი კომპეტენცია არ არის.
ბინათმესაკუთრეთა ამხანაგობების თავმჯდომარეები, კორპუსებში წინა ხელისუფლების დროს დაინიშნენ. მათ, მრავალსართულიან კორპუსებში მცხოვრები მოქალაქეები საკუთარი სურვილით ირჩევენ.