ემერჯენსის შესახებ, ერთხელ მაინც, ალბათ ყველას გსმენიათ. ეს არის გადაუდებელი და კრიტიკული სამედიცინო დახმარების განყოფილება. ადგილი, სადაც პაციენტის პირველადი დახმარება და დიაგნოსტიკა ხდება. ადამიანების, რომლებსაც კონკრეტულ მომენტში მძიმე დაზინება თუ გართულება აქვთ. აქ ემსახურებიან ქრონიკულ პაციენტებს მწვავე შეტევების დროსაც. ემერჯენსი, არის ადგილი, სადაც ადამიანების სიცოცხლის გადასარჩენად, ყოველ წუთს იბრძვიან. როგორ იმართება გადაუდებელი და კრიტიკული მედიცინის დეპარტამენტი, როგორ ხდება მომსახურების გაწევა ერთ სივრცეში და ზოგადად, რა როლი აქვს ემერჯენსს, როცა პაციენტის სიცოცხლე რისკის ქვეშ დგას, სწორედ ამაზე გესაუბრებით დღეს. იქიდან გამომდინარე, რომ კრიტიკული მედიცინა, მულტიდისციპლინური მიმართულებაა, აქ მნიშვნელოვანია შესაბამისი სტრუქტურული მოწყობა და სპეციფიკური, მაღალკვალიფიციური გუნდის შეკრება. რა სტანდარტებს უწესებს თანამედროვე მედიცინა კლინიკებს, რომლებსაც ემერჯენს დეპარტამენტი აქვთ და როგორ მუშაობს ბათუმის სამედიცინო ცენტრი, ამაზე ვისაუბრებ დღეს ჩემს სტუმრებთან ერთად. გადაცემის პირველ ნაწილში, სტუდიის სტუმრები არიან: სოსო ჯახია - BMC -ის კლინიკური დირექტორი და ნათია ბაბუხადია - ასევე BMC -ის გადაუდებელი მედიცინის დეპარტამენტის ხელმძღვანელი. ვიდრე სტუმრებთან ერთად განვავრცობ თემას, ერთი დღის მაგალითზე მომზადებული სიუჟეტით ვნახოთ, თუ როგორ იმართება ემერჯენსი.
56
s
s
s