თუ გსურთ ყოველ დილით და საღამოს, დამღლელი დღის შემდეგ სასიამოვნოდ იმგზავროთ, მაშინ გიორგი ბერიძის ტაქსით უნდა გადაადგილდეთ. ჩვენ ახლა გაგაცნობთ კრეატიულ მძღოლს ბათუმიდან, რომლისთვისაც ყველაზე მთავარი და მნშვნელოვანი მგზავრების კეთილგანწყობაა. ამისთვის კი, იგი, მომხმარებლებს, უფასო ტკბილეულითა და პირბადით უმასპინძლებდა. მანქანის სალონში იპოვით გასართობ აქსესუარებსა და წარწერებსაც. 31 წლის ბიჭის პორტრეტი მაცნეს ობიექტივში.
ტაქსით მგზავრობისას, მოქალაქეებისთვის, ერთი ჩვეულებრივი მგზავრობა სასიამოვნო, რომ იყოს გიორგი ბერიძე მანქანაში სახალისო განწყობას ქმნის. იგი, მომხმარებლებს, უფასო ტკბილეულითა და პირბადით უმასპინძლებდა. მანქანის სალონი, პატარა მგზავრების გასართობად თოჯინებითაა მოწყობილი. განწყობის ასამაღლებლად, სავარძელზე გაკრულია პოზიტიური წარწერებიც.
გიორგი სულ რაღაც ერთი თვეა რაც ტაქსიზე მუშაობს. ყვება, რომ სასიამოვნო გარემოს შექმნაზე ტაქსაობის დაწყებიდან 2 დღეში დაფიქრდა. ამის მეშვეობით საქმეც უფრო შეუყვარდა. მანქანაში არსბეული დეკორაციები ადამიანებთან კონტაქტის დამყარებაში ეხმარება.
გიორგის სერვისმა მალევე გაამართლა. ხშირად ხედავს აპლიკაციაში მოთხოვნას, რომ მოქალაქეები მგზავრობისთვის მის ავტომობილს უთითებენ. ყვება, რომ კმაყოფილი მოქალაქეები. ხშირად, საფასურზე მეტ თანხას უტოვებენ.დამატებით აღებული თანხებიდან კი სათამაშოებს ტკბილეულს და პირბადეებს ანახლებს. საკუთარი მგზავრების გარდა, შუქნიშნებთან, კანფეტებით მოქალაქეებსაც უმასპინძლდება.
გიორგი ყოველდღიურად ცდილობს, მის ავტომობილს რამე ახალი შემატოს. დღეს ახალი იდეა მოუვიდა. ყულაბა გააკეთა, სადაც მგზავრები სურვილის შესაბამისად, თანხას მოათავსებენ. შეგროვილი ფულით იგი მიუსაფარი ცხოველებისთვის საჭმლის ყიდვას აპირებს. რომლითაც ყოველდღიურად შემხვედრ ოთხფეხა მეგობრებს დააპურებს.
31 წლის ტაქსის მძღოლს აქვს გეგმებიც. სურს, რომ მანქანა უფრო დიდი ავტომობილით ჩაანაცვლოს და შორ გზაზე მგზავრბვისას მომხმარებლებს კარაოკე შესთავაზოს. აპირებს ინტელექტუალური და ამავდროულად გასართობი თამაშების დამატებასაც, გამარჯვებულებს კი, უფასო მგზავრობის ვაუჩერებით დაასაჩუქრებს.
11
s
s
s