31, მაისი 2021 17:07:00
“ეს გადაწყვეტილება არის მათი მარცხის საბოლოო გაფორმება.” - ასე აფასებენ მმართველ გუნდში „ნაციონალური მოძრაობის“ პარლამენტში შესვლასთან დაკავშირებით პოზიციის ცვლილებას. „ქართული ოცნების“ თავმჯდომარის განცხადებით, თუ ისინი შარლ მიშელის დოკუმენტს ხელს გონივრულ ვადაში არ მოაწერენ, ვერც ერთი სამუშაო ჯგუფის მუშაობაში მონაწილეობას ვერ მიიღებენ. ირაკლი კობახიძის თქმით, შესაბამისად, ისინი ვერ ისარგებლებენ ვერც ერთი პრივლეგიით, რომელსაც ეს დოკუმენტი ოპოზიციური პარტიებისთვის ითვალისწინებს. კობახიძე დარწმუნებულია, რომ „ნაციონალურ მოძრაობას“, ამ შემთხვევაშიც, უკან დახევა და მიშელის დოკუმენტზე ხელის მოწერა მოუწევს.