პოლიტიკაში ხელმეორედ მოსულ გიორგი გახარიას, მოქალაქეები აფასებენ. აღმოჩნდა, რომ ადგილობრივებმა, ექსპრემიერში, ქვეყნის პროგრესირების მსურველი ვერ დაინახეს. ამბობენ, რომ მთავრობის ყოფილი მეთაური, „ქართულ ოცნებას“ მხოლოდ ფორმალურად გამოეყო.
"ქართული ოცნების" რეალური ოპოზიცია, ივანიშვილის პროექტი, თუ პოლიტიკური იმუნიტეტის შექმნის მცდელობა - რა მიზნით დაბრუნდა გიორგი გახარია ქართულ პოლიტიკაში? აზრი მოქალაქეებს ვკითხეთ. აღმოჩნდა, რომ ქვეყნის სათავეში ხელმეორედ დაბრუნების მსურველ, ექსპრემიერზე, ადგილობრივები, იმედებს ვერ ამყარებენ.
მოქალაქეების შეფასებით, გახარიას, ქვეყნის განვითარების შანსი რამდენიმე წლის განმავლობაში ჰქონდა, თუმცა, ვერაფერი გააკეთა. ამიტომაც, ადგილობრივებისთვის მიუღებელია ის აზრი, რომ ექსპრემიერის ერთადერთი მიზანი, საქართველოს პროგრესირებაა.
ადგილობრივების განმარტებით, გიორგი გახარიას ახალი გუნდი „საქართველოსთვის“, ხელისუფლებასთან აფილირებული პარტიაა. მოქალაქეები, ექსპრემიერს, ბიძინა ივანიშვილის მეგობრად მოიაზრებენ და ამბობენ, რომ მთავრობის ყოფილი მეთაური, ოლიგარქის ინტერესების გამტარებელი იქნება.
რეალურად, რა მიზნით დაბრუნდა პოლიტიკურ ასპარეზზე, გიორგი გახარია, ეს მოგვიანებით გამოჩნდება. შეგახსნებეთ, მთავრობის ყოფილმა მეთაურმა, თავისი ახალი პარტიის პრეზენტაცია შაბათს, 29 მაისს გამართა. „საქართველოსთვის“ - სწორედ, ამ სახელწოდებით იბრძოლებს გუნდი, თვითმმართველობის არჩევნებში ხმათა უმრავლესობის მოსაპოვებლად.
5
s
s
s