მიმდინარე წლის ადმინისტრაციული ხარჯებიდან, ყველაზე მეტი თანხა, ხელვაჩაურის მერიაში, დასაქმებულთა შრომის ანაზღაურებაზე დაიხარჯა. 2021 წლის პირველ კვარტალში, ანუ იანვარში, თებერვალსა და მარტში, ამ მიმართულებით 359 ათას 696 ლარი გამოიყო. წლის ბოლომდე, ჯამში, ხელფასებზე, მილიონ ნახევარზე მეტია გათვალისწინებული, მათ შორის, ხელშეკრულებით აყვანილი ადამიანების ანაზღაურებაც. ია გოლიაძე დაინტერესდა, როგორია უწყების ადმინისტრაციული ხარჯები.
საჯაროდ გამოთხოვილი ინფორმაციიდან ირკვევა, რომ მიმდინარე წელს მერიამ ადმინისტრაციულ და წარმომადგენლობით ხარჯად 2 მილიონ 170 ათას 080 ლარი გათვალა. ხელფასების შემდეგ, ყველაზე მეტი თანხა უწყებას ტრანსპორტისა და ტექნიკის მოვლა შენახვა უჯდება. ამას ოფისის ხარჯი ემატება.
ხელვაჩაურის მუნიციპალიტეტის ხელმძღვანელობამ ყველაზე ცოტა,79 ლარი მიმდინარე 3 თვის განმავლობაში, მივლინებაზე დახარჯა. ეს გასაკვირიც არ არის, თუკი მხედველობაში პანდემიას მივიღებთ. სამაგიეროდ, 64 ათასზე მეტი გადაიხადა უწყებამ ელექტროენერგიის მოხმარებისთვის. ამ უკანასკნელს საწვავ საპოხი მასალების შეძენის ხარჯიც არ ჩამოუვარდება. ხელვაჩაურის მერი ამბობს, რომ გასული წლის ანალოგიურ მაჩვენებელთან შედარებით, ხარჯები შემცირებულია.
3 თვეში ნახევარ მილიონზე მეტი. ოპოზიციაში ფიქრობენ, რომ ხარჯები არამიზნობრივია. „ერთიან ნაციონალურ მოძრაობაში“ დარწმუნებულები არიან,რომ მუნიციპალიტეტის ხელმძღვანელობა ბიუჯეტს ფლანგავს. მიშა ბოლქვაძის თქმით, თანხების დიდი ნაწილი ნეპოტიზმის ნიშნით პარტიული აქტივის დასაქმებასა და მათ ხელფასებზე მიემართება.
საპირისპიროს გვიმტკიცებს მუნიციპალიტეტის მერი. ჯუმბერს ვარდმანიძე ირწმუნებვა, რომ მსგავსი ბრალდებები ერთიანი ნაციონალური მოძრაობის სტილია. მას შემდეგ, რაც ნეპოტიზმის ნიშნით დასაქმებაზე კითხვა დავუსვით და მირზა ბახტაძე გავახსენეთ, ნეპოტიზმის მნიშვნელობა სრულად გამგვიმარტა და ასე გვიპასუხა:
მიმდინარე ადმინისტრაციულ ხარჯებთან დაკავშირებით შეფასება ოცნების გუნდის დეპუტატებმა არ ისურვეს. საკრებულოს თავმჯდომარე კი ამბობს, რომ
გასული წლის ანალოგიურ პერიოდში ხელვაჩაურის მუნიციპალიტეტის მერიამ ადმინისტრაციულ ხარჯებზე , 626 ათს 44 ლარი დახარჯა. წელს ამ მიმართულებით, პირველ კვარტალში , ჯამში 536 ათას 10 ლარი გამოიყო.
12
s
s
s