24, იანვარი 2017 08:19:00
მათთვის, ვისაც ქართველი პოეტების შემოქმედების ავტორისეული შესრულების მოსმენა სურთ, ბათუმის მწერალთა სახლმა ახალი პროექტი - „პოეზიის დრო“- დაიწყო. 20 წუთის განმავლობაში, მწერალთა სახლის აივნიდან ბათუმელები, ქალაქის სტუმრები და უბრალოდ პოეზიის მოყვარულები ქართველი პოეტების ნაწარმოებების აუდიო ჩანაწერებს მოისმენენ. პირველ ეტაპზე ოქროს ფონდში დაცულ პოეზიას გაეწევა პოპულარიზაცია. ორგანიზატორების თქმით, პერიოდულად, კლასიკოსს პოეტებთან ერთად, პოეზიის მოყვარულებს საშუალება ექნებათ თანამედროვე პოეტების შემოქმედებასაც გაეცნონ.