ნარჩენების მართვის საკითხი საქართველოში კვლავ ერთ-ერთ გადაუჭრელ პრობლემას წარმოადგენს. ასეა რეგიონშიც. მუნიციპალური ნარჩენების მართვის გეგმა, ადგილობრივმა თვითმმართველობამ, ჯერ კიდევ 2016 წელს შეიმუშავა. მაშინ, ქალაქის მერიამ, მიზნად, ბათუმის ტერიტორიაზე მცხოვრები მოსახლეობიდან და საწარმოო დაწესებულებებიდან წარმოქმნილი ნარჩენები შეგროვება და გატანის ეფექტიანი მომსახურების მიწოდება დაისახა. 5 წლის შემდეგ კი თამამად შეგვიძლია ვთქვათ, რომ აჭარაში, რეალობა, ისევ უცვლელია და მრავალპუნქტიანი გეგმაც შეუსრულებელი დარჩა. რას ამბობენ ეკოლოგები და რით იმართლებს თავს მმართველი გუნდი? სალომე უსტალიშვილმა მოისმინა მხარეთა პოზიციები.
2016 წელს მიღებული მუნიციპალური ნარჩენების, ხუთ წლიანი მართვის, 55 ფურცლიან, გეგმას თუ გადავხედავთ, საკმაოდ საინტერესოდ გამოიყურება, თუმცა, რამდენად შეასრულა ხელისუფლებამ დანაპირები, ჯერ კიდევ საკითხავია. გეგმის შესრულების მკაცრი კონტროლი, ბათუმის საკრებულოს ინფრასტრუქტურის განვითარების კომისიას ევალება. რას აკონტროლებდა, თეთრმეტ წევრიანი გუნდი? და რომელი პუნქტები განხორციელდა? ეს, კითხვა თავმჯდომარეს გოჩა მგელაძეს დავუსვით, არგუმენტად ცეცხლაურში მშენებარე პოლიგონი მოიშველია, რომელიც ექპლუატაციაში, აპრილის ბოლოს უნდა შესულიყო, ვერ დაგვიკონკრეტა, განხორციელებული სამუშაოები და ჩვენგან თავის დაღწევას ასე ეცადა.
შპს „სანდასუფთავების“, შემთხვევაშიც არგუმენტი თითქმის იგივეა. თუმცა, სულხან ევგენიძე, განმარტავს, რომ გეგმის განხორციელებაში ხელი პანდემიამ შეუშალათ. არადა კორონავირუსით ინფიცირების შემთხვევები 2020 წელს დაიწყო.
კითხვა, აჭარის უმაღლესი საბჭოს აგრარული კომიტეტის თავმჯდომარესაც დავუსვით. მან გვიპასუხა, რომ მისი ინფორმაციით გეგმის თითქმის 80% შესრულებულია. ფრიდონ ფუტკარაძეს, ისიც ვკითხეთ, როდის იგეგმება, დოკუმენტის განახლება? ცნობისთვის, გეგმის განახელების, თარიღი 2021 წლის მიწურულსაა, თუმცა ფუტკარაძისგან ასეთი პასუხი მივიღეთ.
ჩამოწერილი პუნქტების 80%, მხოლოდ თეთრზე შავად, რომ დარჩა დაწერილი ამას, ოპოზიციაში ადასტურებენ. აქ ამბობენ, რომ წლების წინ წინასაარჩევნო მომხიბვლელი დაპირებით, ხალხი მოატყუეს.
შეუსრულებელ დაპირებებზე საუბრობენ ეკონომისტებიც. კახა გუჩმანიძე ამბობს, რომ გეგმის მიხედვით გათვალისწინებული, ინდიკატორების და მაჩვენებლის 80%, არ შესრულებულა. ირწმუნება, რომ არც, სახიფათო მუნიციპალური ნარჩენების შეგროვების და არც მათი დაგროვების დადგენა არ მომხდარა. გვიყვება, რომ იმ ფონზე, როდესაც გეგმის განახლებამდე ხუთი თვეა დარჩენილი, მუშაობა ჯერ კიდევ არ დაწყებულა.
მუნიციპალური ნარჩენების მართვა, ქალაქის ტერიტორიაზე წარმოქმნილი ნარჩენების შეგროვებისა და გატანის ეფექტიან მომსახურებას გულისხმობს. რატომ ვერ ხერხდება 5 წლის განმავლობაში ამ კუთხით გაწერილი გეგმის განხორციელება მუნიციპალიტეტის მიერ? „მაცნეს“ გადამღები ჯგუფისგან, დამალვას და ჩვენს კითხვებზე თავის არიდებას, თითქმის ყველა პასუხისმგებელი უწყება ცდილობდა,