14, ივნისი 2021 17:04:00
გიორგი გახარიას გუნდს „ქართული ოცნების“ წევრები, აქტივისტები და პოლიტიკოსები უერთდებიან, მათ შორისაა „ნაციონალური მოძრაობისა“ და ბათუმის ყოფილი მერი. ჯემალ ანანიძე დღეს, პარტიის პრეზენტაციას სტუმრის სტატუსით ესწრებოდა, თუმცა არ გამორიცხავს, რომ გახარიას თანაპარტიელი გახდეს. იგი მზადაა საკუთარი გამოცდილება და რესურსი პოლიტიკურ ორგანიზაციას გაუზიაროს. „საქართველოსთვის“ პარტიის მხარდამჭერთა რიგებში გადაინაცვლა „ქართული ოცნების“ აქტიურმა მხარდამჭერმა მაია სურმანიძემ. გიორგი გახარიას პარტიას აჭარაში „ქართული ოცნების“ ყოფილი მაღალჩინოსანი ირაკლი მიქელაძე უხელმძანელებს.