14, ივნისი 2021 22:10:00
ბათუმში, გენერალ ასლან აბაშიძის ქუჩაზე გაჩენილი ხანძარი ლიკვიდირებულია. ცეცხლი ხუთსართულიანი კორპუსის მეოთხე სართულზე გაჩნდა. როგორც TV25.GE ადგილობრივები უყვებიან, შემთხვევის დროს სახლში არავინ იმყოფებოდა. ცეცხლის შედეგად არავინ დაშავებულა, თუმცა სრულად განადგურდა საყოფაცხოვრებო ნივთები. შემთხვევის ადგილზე სასწრაფო სამედიცინო დახმარების ბრიგადა და სახანძრო სამსახურის სამი ეკიპაჟი იმყოფებოდა. ამ ეტაპზე უცნობია ცეცხლის გაჩენის მიზეზი, ფაქტზე მიმდინარეობს გამოძიება.