3 მორიგი საპროტესტო აქცია ქობულეთში. სოფელ ბობოყვათში მცხოვრებლები სანაპიროს გასწვრივ მიწების აუქციონის წესით გასხვისებას კვლავაც ეწინააღმდეგებიან. იგივე მოთხოვნებით ადგილობრივები ერთ კვირის წინაც შეიკრიბნენ და ხელისუფლებას ყურადღების გამოჩენისკენ მოუწოდეს. მამაპაპისეული ქონებით როგორც ქობულეთში მცხოვრებლები ამტკიცებენ, წლებია სარგებლობენ თუმცა რეგისტრირებას ვერ ახერხებენ.
ხალხის პროტესტი არ წყდება. ხელისუფლებას ვადა იმისთვის, რომ მოქალაქეების მოთხოვნები დააკმაყოფილოს, ნელ-ნელა, ეწურება. ამ დროს კი, აჭარის ფინანსთა და ეკონომიკის სამინისტრო ისევ დუმს. ბობოყვათში შეკრებილებმა, ამჯერად, იმ მიწებთან მისასვლელი გზები ჩახერგეს, სადაც ინვესტორმა, ინვესტიცია უნდა განახორციელოს.
ამბობენ, რომ ტერიტორიაზე ინვესტორის შეშვებას არ აპირებენ. ადგილზე კარვების გაშლას გეგმავენ. თუ რეაგირება არც, ამას მოჰყვება პროტესტის უკიდურეს ფორმას, შიმშილობას, აანონსებენ.
პროსტესტს ჯერ-ჯერობით ადგილზე აგრძელებენ. ხელისუფლების წარმომადგენლებთან მოლაპარაკებების დაწყებას, ამ დღეების განმავლობაში, ამაოდ ელოდნენ. 150 ოჯახი, 28 ჰექტარ მიწას სახნავ სათესად წლებია იყენებს. ამბობენ, რომ ხელისუფლება ლუკმა-პურს ართმევთ.
აქციაზე, უფლებადამცველიც იმყოფებოდა. თამაზ ბაკურიძე აცხადებს, რომ ხელისუფლებას, რამდენჯერმე მიმართა, თუმცა, უშედეგოდ. ეჭვობს, რომ ისინი მოქალაქეების მოტყუებას არჩევნებამდე აჭიანურებენ.
სადაო ტერიტორიაზე ელექტრონული აუქციონი უკვე გამოცხადებულია. 28 ჰექტარი მიწის საწყისი ფასი 48 მილიონი ლარია. ვინ გახდება ნაკვეთის მფლობელი, ჯერ-ჯერობით, უცნობია. მოქალაქეები კი, შაბათს, ამჯერად, აჭარის მთავრობასთან შეიკრიბებიან და მასშტაბურ აქციას გამართავენ.
5
s
s
s