ოჯახი რომელსაც თავზე აწვიმს, თუმცა დახმარებისთვის ადგილობრივი ხელისუფლება თავს უკვე თვეებია არ იწუხებს. სახურავის აღდგენაში, რომელიც სოციალურად დაუცველ ოჯახს ფაქტობრივად თავზე დაემხო, ერთხელ მეზობლები დაეხმარნენ. დღეს თავზე ისევ აწვიმთ, თუმცა ხელვაჩაურის მერიას სათქმელი მხოლოდ ის აქვს, რომ ომერაძეებს პრობლემასთან გამკვლავება თავადაც შეუძლიათ. როგორია ოჯახის ყოფა და რა პოზიცია აქვს მერიას, დეტალებით თეო ფუტკარაძე გვიერთდება.
ის ფაქტი, რომ სტიქიისგან დაზარალებულ მოქალაქეებს ხელისუფლება, ხშირად, უყურადღებოდ ტოვებს ახალი არაა. ამაზე ჩვენს ეთერში გასული არაერთი სიუჟეტიც მოწმობს. ამჯერად, ხელვაჩაურში მცხოვრები, ერთ-ერთი, ოჯახის გასაჭირზე გიამბობთ. ომერაძეებმა, მუნიციპალიტეტის მერიას, რთული საცხოვრებელი პირობების შესახებ არა ერთხელ აცნობეს, უწყებისგან დახმარების დაპირებაც მიიღეს, მათი მდგომარეობა კი, ისევ უცვლელია.
ომერაძეების სახლში, ყოველი გაწვიმებისას, ისე წვიმს, როგორც გარეთ. რამდენიმე თვის წინ, მათ საცხოვრებელს სტიქიის შედეგად სახურავი დაუზიანდა. სახურავი, წლების განმავლობაში ძველი და ამორტიზებული იყო , ახლის გაკეთებას კი, უსახსრობის გამო ვერ ახერხებდნენ.
ომერაძეები სოციალურად დაუცველები არიან. სახლის სახურავის საბოლოოდ ჩამოშლის შემდეგ, დროებით აღდგენაში მეზობლები და ახლობლები დაეხმარნენ. ხელისუფლოებას, დახმარების თხოვნით, არა ერთხელ მიმართეს, თუმცა, უშედეგოდ. გვიყვებიან, რომ მერის მოადგილემ მათ დახმარებაზე უარი განუცხადა.
ხელვაჩაურის მერიაში, ოჯახზე დახმარების უარის მიზეზად, სწორედ, ის დაასახელს, რომ ომერაძეების ოჯახმა, სახლის სახურავი საკუთარი ძალებით შეაკეთა. მერის მოადგილე, კახა ფუტკარაძე აცხადებს, რომ სტიქიის შემსწავლელმა კომისიამ მდგომარეობა შეისწავლა და ოჯახზე კომპენსაციის გაცემა საჭიროდ არ მიიჩნია.
კიდევ, რამდენ ხანს მოუწევს, ამ პირობებში, ცხოვრება ოჯახს, რომლის ერთადერთი შემოსავალი, მხოლოდ, 100 ლარიანი სოციალური დახმარებაა, უცნობია.
7
s
s
s