სწავლის ხარისხით უკმაყოფილო უცხოელი სტუდენტები და მათ მიმართ დისკრიმინაციული მოპყრობის ფაქტების მაღალი მაჩვენებელი ბათუმის სახელმწიფო უნივერსიტეტში - ეს მთავარი მიგნებებია იმ კვლევისა, რომელიც ახალგაზრდა მეცნიერთა კავშირმა“ ინტელექტმა“ გამოაქვეყნა. არასამთავრობო ორგანიზაციამ მიმდინარე წლის მარტში, საერთაშორისო სტუდენტების მდგომარეობა, პრობლემები და საჭიროებები შეისწავლა. როგორც აღმოჩნდა, უცხოელ ახალგაზრდებს საგანმანათლებლო დაწესებულების მიმართ არაერთი პრეტენზია აქვთ. ია გოლიაძე გაეცნო ანგარიშის დეტალებს და ახლა სწორედ ის გააგრძელებს საუბარს.
ვიდრე კვლევის შინაარსზე საუბარს დავიწყებდე, აუცილებლად უნდა აღვნიშნო, რომ დიდი მცდელობის მიუხედავად, ჩვენ დღეს ვერ მოვახერხეთ უცხოელ სტუდენტებთან გასაუბრება. ახალგაზრდა მეცნიერთა კავშირის „ინტელექტის“ მიერ მომზადებული ანგარიში მათ პრობლემებს ეხება და ბუნებრივია, მათი პოზიციაც უნდა მოგვესმინა, თუმცა ისინი კამერების წინ საუბარზე კატეგორიულ უარს აცხადებენ და ამბობენ, რომ ნებართვა დეკანისგან უნდა აიღონ. ეს სავარაუდო დირექტივაა ადმინისტრაციისგან, თან მას შემდეგ, რაც ჩვენი ეთერით ინდოელი სტუდენტების ბრალდებებზე რეპორტაჟები გავიდა.
ახლა რაც შეეხება კვლევას. არასამთავრობო ორგანიზაციამ ჯამში 133 საერთაშორისო სტუდენტი გამოკითხა. ისინი 2 უნივერსიტეტში - ბათუმის სახელმწიფო უნივერსიტეტსა და ბაუ - საერთაშორისო ჰოსპიტალში სწავლობენ. აქედან მხოლოდ ორია ბაუს სტუდენტი, დანარჩენი 131 კი ბათუმის სახელმწიფო უნივერსიტეტის. ახალგაზრდებმა სპეციალური კითხვარებით შეაფასეს სწავლების ხარისხი, უნივერსიტეტის კომუნიკაციის გამჭვირვალობა და კიდევ რამდენიმე მიმართულება. როგორც აღმოჩნდა, ლექციებსა და ლექტორებს გამოკითხულთა 48 % ძალიან ცუდად, ხოლო 22 პროცენტი ცუდად აფასებს.
„ინტელექტის“ მიერ ჩატარებულ კვლევაში ინდოელმა სტუდენტებმა შეაფასეს ოფიციალური დოკუმენტაციის ფლობა, მათი ინფორმირებულობა სწავლის საფასურის, ვადების, სტიპენდიების, დასაქმების, საერთო საცხოვრებლის შესახებ, ასევე დისკრიმინაციული მოპყრობა და სწვალის თანაბარი შესაძლებლობები. მესამე სექტორში ამბობენ, რომ გამოკითხული სტუდენტების 36 %-ს არ აქვს ზუსტი ინფორმაცია საფასურის ოდენობის შესახებ, ხოლო 23%-მა არ იცის სწავლის ხანგრძლივობის შესახებ. დიდ ნაწილს კი უნივერსიტეტთან ხელსეკრულება გაფორმებული საერთოდ არ აქვს
უნივერსიტეტის ადმინისტრაციაში კვლევის შედეგებს არ ენდობიან. საგანმანათლებლო დაწესებულების რექტორის მოადგილე გვიმტკიცებს, რომ ინდოელი სტუდენტების პრეტენზიები უსაფუძვლოა და უნივერსიტეტი მათ სწავლის საუკეთესო პირობებს უქმნის. კითხვაზე მაშ რატომ აჩვენა კვლევამ ეს შედეგები, თამარ სირაძე ასე გვპასუხობს:
ახალგაზრდა მეცნიერთა კავშირმა „ინტელექტმა“ კვლევა მარტში ჩაატარა.