25, ივნისი 2021 18:20:00
ბათუმის ბიუჯეტი 47 მილიონ ლარამდე გაიზარდა და ჯამში, 204 მილიონი შეადგინა. ქალაქის მთავარი ფინანსური დოკუმენტი საკრებუკლომ დღეს დაამტკიცა. თანხის ნაწილი ინფრასტრუქტულ სამუშაოებზე დაიხარჯება. პრიორიტეტია სოციალური ჯანდაცვა და განათლება. ცვლილებებს მხარი მმართველ გუნდთან ერთად, დამოუკიდებელმა დეპუტატებმაც დაუჭირეს. წინააღმდეგობა კი მხოლოდ ნაციონალურმა მოძრაობამ დააფიქსირა.
ამ სტყვებით დაასრულა ბათუმის მერის მოვალეობის შემსრულებელმა, საკრებულოს სხდომა, სადაც ქალაქის მიმდინარე წლის ბიუჯეტი დაამტკიცეს.
18 მომხრე 2 წინააღდმეგი- ქალაქის ბიუჯეტის დამტკიცების საკუთხს მხარი ოპოზიციიდან, მხოლოდ, ნაციონალურმა მოძრაობამ არ დაუჭირა. მიმდინარე წლის ბიუჯეტი 46 მილიონ 807ათას 300 ლარით გაიზარდა. ცვლილება ქალაქის მთავარ ფინანსური დოკუმენტში ბათუმის საკრებულომ დღეს დაამტკიცა. პრიორიტეტები დეპუტატებს მერის მოვალეობის შემსრულებელმა გააცნო. როგორც არჩილ ჩიქოვანმა განაცხადა, ზღისპირა ქალაქში ინფრასტრუქტურული პროექტები გაგრძელდება. "ნაციონალური მოძრაობის" შეფასებით, ბიუჯეტი წინაასარჩევნოდ გაიზარდა.
არჩილ ჩიქოვანმა, პრიორიტეტებში სოციალური ჯანდაცვა დაასახელა. დაგეგმილია სოციალური სახლების მშენებლობა მათ შორის ურეხის ხანდაზმულთა ღამის თავშესაფრის რეკონსტრუქცია. იზრდება მუნიციპალური სასადილოების დაფინანაება და მომლოდინეთა სიიდან 1480 ბენეფიციარი დაემატება.
პრიორიტეტებშია განათლებაც, აშენდება სამი ახალი საბავშვო ბაღი. მოხდება ორი კულტურული მემკვიდრეობის ძეგლის რეაბილიტიაცია. დღესვე საკრებულოს სხდომაზე გაჟღერდა, რომ ქალაქს, 40 ახალი მუნიციპალური ავტობუსი ეყოლება.
სხდომაზე არჩილ ჩიქოვანს კითხვები დაუსვეს ოპოზიციონერმა დეპუტატებმა, რომლებიც, ძირითადად, სოციალურ და ინფრასტრუქტურულ საკითხებს ეხებოდა. კრიტიკული კითხვებით ნაციონალური მოძრაობის დეპუტატები გამოირჩეოდნენ.
მმართველი გუნდის დეპუტატიბი მერს, მხოლოდ, მადლობას უხდიდნენ და დამტკიცებულ ბიუჯეტსაც, რომელსაც ოპოზიცუა ეწინააღმდეგებოდა, ტაში დაუკრეს.
2021 წელს ბათუმის ბიუჯეტი 47 მილიონ ლარამდე გაიზარდა. აქედან ტრანსფერი 28 მილიონ 766 ათასი ლარია. დანარჩენი თანხის მატება, სათამაშო მოკსაკრებლიდან, ასევე საპრივატიზაციო და სხვა შემოსულობებიდან მოხდა და ჯამში, 204 მილიონი ლარი შეადგინა.