ოჯახი სიღატაკის ზღვარს ქვემოთ, რომელსაც ხუთი წლის წინ სოციალური დახმარება მოუხსნეს, ბაზაში კი ვერა და ვერ დაბრუნდნენ. უსახსრობის გამო მათ არამხოლოდ გამოკვება უჭირთ. შერვაშიძეების ხუთწევრიან ოჯახში ორი ქრონიკული ოპაციენტია. სტატუსის არ ქონის გამო კი სრულად არც ჯანდაცვის სახელმწიფო პროგრამებზე მიუწვდებათ ხელი. თეო ფუტკარაძე იმყოფებოდა დღეს მათთან და თავად გვეტყვის ოჯახის მდგომარეობის შესახებ.
ეს 9 წლის ნიკოლოზ შერვაშიძეა. მისი დიაგნოზი ცერემბრალური დამბლაა. დაბადებიდან განსაკუთრებული მოვლა ესაჭიროება. მასზე ბებია ზრუნავს. უკიდურესად გაჭირვებულებს, ბავშვის, სარეაბილიტაციო კურსისთვის საჭირო თანხა არ აქვს.
შერვაშიძეების 5 წევრიან ოჯახში, სამს ჯანმრთელობის მძიმე მდგომარეობა აქვს. მათგან დასაქმებული არავინაა. თავს, მხოლოდ, პენსიიით ირჩენენ, რაც მედიკამენტებშიც კი არ ჰყოფნით.
შერვაშიძეების ოჯახს, რამდნეიმე წლის წინ სოციალური დახმარება იმიტომ მოეხსნათ, რომ ერთ-ერთ წევრს, დროებითი დასაქმების საშუალებით, ხელფასისი სახით, 500-მდე ლარი უფიქსირდებოდა. აქედან გამომდინარე, იმის გამო, რომ მათ სოციალური სტატუსი არ აქვთ, სხვადასხვა სახელმწიფო პროგრამებითაც ვერ სარგებლობენ.
ქობულეთის სოციალურ სააგენტოში დამაიმედებელს არაფერს ამბობენ. ამტკიცებენ, რომ ოჯახს, საკმარისზე მეტი შემოსავლი აქვთ. შესაბამისად, პასუხი ნათელია, რომ სააგენტო შერვაშიძეებს ამ ეტაპზე არაფრით დაეხმარება.
კიდევ რამდენ ხანს მოუწევს, ოჯახის მძიმე ტვირთის მარტო ტარება ნათელა შერვაშიძეს უცნობია. ხელისუფლებისგან მივიწყებული ოჯახი ახლა, მხოლოდ, მოქალაქეების კეთილი ნების და დახმარების იმედადაა.
5
s
s
s