30, ივნისი 2021 21:10:00
დღეიდან კომენდანტის საათი უქმდება. მოქალაქეები, 23 საათიდან გადაადგილებას შეზღუდვის გარეშე შეძლებენ. ნებადართულია როგორც ფეხით, ისე სატრანსპორტო საშუალებით მოძრაობა. გადაწყვეტილება რამდენიმე დღის წინ, საკოორდინაციო საბჭომ მიიღო. აკრძალვად რჩება კვების ობიექტების მუშაობა 24 საათიდან. რას გააკეთებენ ადგილობრივები შეზღუდვის გაუქმების შემდეგ და რას ამბობენ სამუშაო პროცესის 1 საათით გახანგრძლიებაზე სარესტორნო ბიზნეს წარმომადგენლები?
7 თვიანი შეზღუდვის შემდეგ, დღეიდან, ანუ 30 ივნისის 23 საათიდან გადაადგილებაზე დაწესებული რეგულაცია აღარ იმოქმედებს. გადაწყვეტილება, საკოორდინაციო საბჭომ, გასულ კვირას მიიღო. მოქალაქეებს ვკითხეთ, რას გააკეთებენ პირველს, „კომენდანტის საათის“ მოხსნის შემდეგ. პასუხები ასეთია:
„კომენდანტის საათის“ მოხსნა, ნაწილობრივ შეეხო სარესტორნო ბიზნესს. დღეიდან რესტორნები, კაფე-ბარები და კვების ობიექტები მუშაობას, 24 საათამდე შეძლებენ. როგორც ადმინსიტრატორები გვეუბნებიან, გახანგრძლივებული სამუშაო პროცესი, მათ შემოსავალზე, დადებითად აისახება.
გადაადგილებაზე დაწესებული შეზღუდვის გაუქმება, აისახა სავაჭრო ცენტრებზეც. მოლების ხელმძღვანელები გვეუბნებიან, რომ სამუშაო პროცესი დილის 10 საათიდან, საღამოს 10 საათამდე გახანგრძლივდება. ზუსტად ისე, როგორც ეს პანდემიამდე იყო.
შეგახსენებთ, ''კომენდანტის საათი'' მთელი ქვეყნის მასშტაბით, 2020 წლის 28 ნოემბრიდან მოქმედებდა. გაადგილება როგორც ფეხით, ისე სატრანსპორტო საშუალებით, 21-დან 5 საათამდე იკრძალებოდა. მოგვიანებით, 2021 წლის პირველი ივნისიდან კი, შეზღუდვის პერიოდი შემცირდა და 23 საათიდან დილის ოთხ საათამდე მოქმედებდა.