სახალხო დამცველი - „ძალადობა, ნებისმიერი ნიშნით განსხვავებულის მიმართ, არ არის საზოგადოების დაკვეთა!“
პოლიტიკა
06, ივლისი 2021 14:35:00
სახალხო დამცველი ნინო ლომჯარია პარლამენტთან პოლიტიკური პარტიების მიერ დაანონსებულ აქციასთან დაკავშირებით სოციალურ ქსელში საკუთარ პოზიციას აფიქსირებს.
მისი განცხადებით, მნიშვნელოვანია ხელისუფლებამ და საერთაშორისო საზოგადოებამ დაინახოს, რომ ძალადობა საზოგადოების დაკვეთა არაა.
„მინდა მეც გავავრცელო ინფორმაცია, რომ დღეს, 20:00 საათზე საქართველოს პარლამენტის წინ მოქალაქეების თვითორგანიზებით ტარდება მდუმარე აქცია, რომლის მიზანიც არის გაპროტესტება და გამიჯვნა გუშინ განვითარებულ ძალადობრივ მოვლენებთან.
ჩემი აზრით, ძალიან მნიშვნელოვანი იქნება საქართველოს საზოგადოებამ ხელისუფლებას და საერთაშორისო საზოგადოებას დაანახვოს, რომ ძალადობა ნებისმიერი ნიშნით განსხვავებულის მიმართ არ არის საზოგადოების დაკვეთა!“, - ნინო ლომჯარია
3
s
s
s