06, ივლისი 2021 21:45:00
კიდევ ერთი უკიდურესად გაჭირვებული ოჯახი „ოცნების ქალაქიდან“. ფუტკარაძები ყოველდღიურობას მძიმე სოციალურ პირობებში ებრძვიან. 2 მცირეწლოვანს მეზობლების და ახლობლების დახმარების იმედად ზრდის. ერთადერთი შემოსავალი 240 ლარიანი დახმარებაა, რომელიც წამლების შესაძენადაც კი არ ჰქოფნით.
ამ, სახლში ყველას ოცნება ერთია. ოცნებობენ, რომ ბავშვებს უზრნუველი ცხოვრება და საკვები ყოველდღიურად ჰქონდეთ. იმის გამო, რომ ფუტკარაძეების შემოსავალი, მხოლოდ, 240 ლარიანი სოციალური დახმარებაა, ხშირად, დედა მშიერი იძინებს.
ოც კვადრატულიანი, ფიცრული ე.წ „ოცნების ქალაქში“ წლების წინ უსახლკარობის გამო ააგო. საცხოვრებლის მდგომარეობა რთულია, სახურავი და იატაკი დაზიანებული, ნაგებობას ფანჯარაც კი, არ გააჩნია. ორი მცირეწლოვანის გაზრდა დედას, ასეთ პირობებში, ყოველდღიურად უფრო და უფრო ურთულდება.
ერთი წლის ტყუპები, ქრონიკული პაციენტები არიან. ქეთევან ნოდია ამბობს, რომ ექიმთან კონსულტაციის და შესაბამისი მედიკამენტების შეძენის შესაძლებლობა არ აქვს. იმის გამო, რომ პანდემიაა ქეთევანის მეუღლეს მუდმივი სამსახური არ გააჩნია, მათი ყოფა ამ გარემოებამ, უფრო დაამძიმა.
ფუტკარაძეები, რომ უკიდურეს სიღარიბეში ცხოვრობენ, ამას მეზობლებიც გვიდასტურებენ. ამბობენ, რომ არის შემთხვევები, როდესაც, ულუკმაპუროდ დარჩენილ ოჯახს, საკვებს თავად აწვდიან.
ოჯახი სახელმწიფოსგან დახმარებას იღებს, თუმცა, ოთხი ადამინისთვის საკმარისი არაა. სოციალური მომსახურების სააგენტოში კი, გვითხრეს, რომ თანხის ოდენობა მთავრობის დადგენილების მიხედვით ისაზღვრება.