მოგიყვებით პრობლემაზე, რომელიც ქალაქს წლებია აწუხებს. ჰიგიენური ოთახების სიმცირე დღემდე დიდი დისკომფორტია ქალაქის სტუმრებისა თუ ქალაქში მცხოვრებლებისთვის. ჯამში ბათუმში სულ 5 საპირფარეშოა.აქედან 3 ბულვარის ტერიტორიაზეა, რომელთაგან ერთი ახალია და ჯერ-ჯერობით უფუნქციოა. დამატებით პრობლენურია ფასები, რომელიც იმის მიხედვითაა დაყოფილი, ტურისტი ხართ თუ ადგილობრივი.რატომ ვერ გადაჭრა საკითხი ტურისტული ქალაქის თვითმმართველობამ?
საპირფარეშოების მცირე რაოდენობა, ტურისტული ობიექტებიდან სიშორე , დარღვეული სანიტარულ-ჰიგიენური ნორმები - ეს ის პრობლემებია, რაზეც ყურადღებას ბათუმში ჩამოსული ვიზიტორები ამახვილებენ. ქალაქში სველი წერტილების ნაკლებობაზე საუბრობენ ადგილობრივებიც.
გარდა იმისა, რომ სველი წერტილების სიმცირე, მოქალაქეებისთვის დისკომფორტის შემცველია,ამბობენ, რომ საპირფარეშოების იმ მცირე ნაწილშიც კი, რომელიც ქალაქშია განთავსებული, ხშირად, ჰიგიენის ნორმები არაა დაცული. ამ ფონზე, ფასი სერვისის შეუსაბამოა.
პრობლემაზე ღიად საუბრობენ გიდები. სალომე გორგილაძე ამბობს, რომ წლების განმავლობაში ტურისტულ ქალაქში მდგომარეობა უცვლელია. მისივე თქმით, არსებული ჰიგიენის ოთახები გაუმართავია ან საერთოდ უფუნქციო. რაც შეეხება ქალაქის ტერიტორიას, ისეთ ადგილებში სადაც ტურისტები ნაკლებად გადაადგილდებიან, საპირფარეშოები საერთოდ არ გვხვდება.
ბულვარის ტერიტორიაზე სველი წერტილების სიმცირის, ან კიდევ არსებულის ჰიგიენური ნორმების დაცვაზე პასუხისმგებელი ბულვარის ადმინისტრაციაა. აქ ამბობენ, რომ სველი წერტილები განაშენიანების გეგმის მიხედვით, მომავალი წლისთვის, უნდა მოეწყოს. რაც შეეხება ფასების რეგულირებას ადმინისტრაციაში ამბობენ, რომ ეს მოიჯარის კომპეტენციაა.
ქალაქში სველი წერტილების განსათავსებლად ტენდერებს ბათუმის მერია აცხადებს. რატომ ვერ მოგვარდა ჰიგიენის ოთახების სიმცირის პრობლემა ტურისტულ ქალაქში წლების განმავლობაში უწყებაში დღეს სატელევიზიო კომენტარი არ გააკეთეს. პირად საუბრებში კი განმარტეს, რომ საკითხზე მუშაობა მიმდინარეობს, თუმცა, კონკრეტულად, როდის, სად ან რამდენი საპირფარეშო განთავსდება. არ გვიკონკრეტებენ.
17
s
s
s