07, ივლისი 2021 13:50:00
სიძულვილისა და ძალადობის წამხალისებელი საპატრიარქო, რომელიც „ქართული ოცნების“ ხელისუფლებასთან ერთად მოქმედებს ყოველგვარ ზღვარს გადადის. რადიკალი სასულიერო პირებისთვის ქვეყნის კონსტიტუცია და კანონი არაფერს წარმოადგენს. ანაფორას ამოფარებულები ღმერთისა და რწმენის სახელით ყოველ ჯერზე გამაოგნებელ დანაშაულს სჩადიან, რაზეც ხელისუფლება არ რეაგირებს. გუშინ, ღისების მარშის წინააღდეგ დედაქალაქის მთავარ გამზირზე გამოსული პუტინისტური და ძალადობრივი ჯგუფები პრემიერმა წახალისა. ირაკლი ღარიბაშვილმა პირდაპირ თქვა, რომ მისთვის პრაიდი მიუღებელია და ლგბტ თემს თავშეკავებისკენ მოუწოდა. შავრაზმელების მთავარი სამიზნე მედია საშუალებების წარმომადგენლები იყვნენ. 55-მდე რეპორტიორს მიზანმიმართულად გაუსწორდნენ. დაუმტვრიეს აპარატურა, ამ დროს კი პოლიცია არაფერს აკეთებდა. ხელისუფლებისა და ოპოზიციის წარმომადგენლები დღის ბოლომდე იმალებოდნენ და ძალადობრივი ფაქტების შეფასებას ერიდებოდნენ. გამარჯობა.