08, ივლისი 2021 17:24:00
აჭარის უმაღლესი საბჭოს, კომიტეტების შემადგენლობაში ცვლილებებია. განათლების კომიტეტში, ფრაქცია „ერთიანი ნაციონალური მოძრაობის“ თავმჯდომარეს, ელგუჯა ბაგრატიონი ჩაანაცვლებს. გია აბულაძე კი, ფრაქციის თავმჯდომარეობის ნაცვლად საქმიანობას, ადამიანის უფლებათა დაცვის საკითხთა კომიტეტში გააგრძელებს. საკითხი უმაღლესი საბჭოს ბიუროს სხდომაზე განიხილეს. ასევე, კენჭი უყარეს, გენდერული თანასწორობის საბჭოს 2021-23 წლების სამოქმედო გეგმის დამტკიცებას. მას მხარი ყველამ ერთხმად დაუჭირა და დადგენილების პროექტის განხილვის პროცედურები მალე დაიწყება. ამავე სხდომაზე, ოპოზიციონერმა დეპუტატებმა წამოაყენეს წინადადება, ძალადობის თემაზე რეზოლუციის ტექსტის მოსამზადებლად. ეს გადაწყვეტილება მმართველი გუნდის ოპონენტებმა, თბილისში განვითარებული მოვლენების ფონზე მიიღეს. გიორგი კირთაძის თქმით, ძალადობაზე რეაგირება უნდა ჰქოდეს ყველა უწყებას მათ შორის აჭარის უმაღლეს საბჭოსაც. ტექსტის მოსამზადებლად ადამიანის უფლებათა დაცვის კომიტეტთან ერთად იმუშავენებენ.