დედაქალაქში მიმდინარე მოვლენებზე, შეფასებებს სხვადასხვა პოლიტიკური პარტია აკეთებს. ოპოზიციაში განმარტავენ, რომ პასუხისმგებლობა, პრემიერ მინისტრმა და მათ შორის ბიძინა ივანიშვილმაც უნდა აიღოს. აჭარის მტავრობის თავმჯდომარე კი ფიქრობს, რომ ირაკლი ღარიბაშვილის გადადგომის ლეგიტიმური საფუძვგელი არ არსებობობს. უფრო მეტი ვანხოთ ნინია მესხიძის სიუჟეტში.
პასუხისმგებლობა იმაზე, რაც დედაქალაქში ხდება, სრულად ბიძინა ივანიშვილს ეკისრება - ასე აფასებენ მიმდინარე მოვლენებს „ერთიან ნაციონალურ მოძრაობაში“. გიორგი კირთაძის განმარტებით, ოლიგარქის სახედ მოვლენილი პრემიერ-მინისტრის დღევანდელმა განცხადებებმა საქართველოს ხელისუფლების არაადეკვატურობის პიკი აჩვენა. ოპოზიციონერი დეპუტატის თქმით, ერთადერთი გამოსავალი „ქართული ოცნების“ წასვლაა
თითქმის იდენტური მოსაზრება აქვთ „ევროპულ საქართველოში“. თემურ კახიძის შეფასებით, მიმდინარე პროცესებზე მთავარი მოპასუხე ხელისუფლებაა. მმართველი გუნდის ოპონენტი, ირაკლი ღარიბაშვილი გადადგომის გარდა, რიგგარეშე არჩევნების ჩატარების აუცილებლობაზეც საუბრობს.
პარტიაში „ლელო საქართველოსთვის“ ამბობენ, რომ ირაკლი ღარიბაშვილი თავისივე ქმედებებით დამარცხა და მას თანამდებობის დატოვება ყველაფრის ფასად მოუწევს. ირაკლი კუპრაძის თქმით, პრემიერ-მინისტრმა საქართველოს საერთაშორისო იმიჯი დააზიანა
პარტიაში „გირჩი - მეტი თავისუფლებისთვის“ მიაჩნიათ, რომ პრემიერ-მინისტრმა დღევანდელი განცხადებებით 5 ივლისის ძალადობის ორგანიზატორობა აღიარა. თემურ გორგაძის თქმით, მიმდინარე მოვლენები რუსეთის ინტერესებშია, ერთადერთი გამოსავალი კი, ხელისუფლების შეცვლაა.
ვინ არის პასუხისმგებელი განვითარებულ მოვლენებზე? ვკითხეთ აჭარის მთავრობის თავმჯდომარეს, რომელმაც კითხვა უპასუხოდ დატოვა. თორნიკე რიჟვაძემ მხოლოდ ის გვითხრა, რომ მიმდინარე მოვლენებს დესტრუქციული ძალები სათავისოდ იყენებენ. მისივე განმარტებით, მთავრობის შეცვლისა და პრემიერის გადადგომის ლეგიტიმური საფუძველი არ არსებობს.
რატომ არ იღებს პასუხისმგებლობას მმართველი გუნდი? „მაცნეს“ კამერებს, დღეს, აჭარის უმაღლესი საბჭოს დეპუტატები დაემალნენ. გაურკვეველი მიზეზით, მათ, მოვლენების შეფასება არ ისურვეს. მომხდარის შეფასებისგან თავი შეიკავეს პარტიაში „საქართველოსთვის“. ექსპრემიერის გუნდმა კომენტარის გაკეთება არ ისურვა.
3
s
s
s