13, ივლისი 2021 17:08:00
შინაგან საქმეთა სამინისტრო, ალექსანდრე ლაშქარავას გადაადგილების მარშრუტის ამსახველ ახალ ვიდეო ჩანაწერებს ასაჯაროებს. უწყების ინფორმაციით, ლაშქარავამ, გარდაცვალების წინა დღეს, მეგობართან ერთად ფონიჭალაში ნარკოტიკული საშუალებები შეიძინა, შემდეგ მოიხმარა, რის შედეგადაც ზედოზირების გამო ორჯერ ცუდად გახდა.
„ტვ პირველის“ ოპერატორი, 11 ივლისს, გამთენიისას, საკუთარ სახლში გარდაიცვალა. ამ ფაქტს კი წინ უძღოდა ის, რომ მას, პროფესიულ მოვალეობის შესრულებისას რადიკალურად განწყობილი ჯგუფები სასტიკად გაუსწორდნენ.