უწყვეტი ტაში და კამერების დერეფანი -ასე გააცილეს უკანასკნელ გზაზე ტვ პირველის ოპერატორი. ლექსო ლაშქარავას ხსოვნის პატივსაცემად სხვადასხვა მედიასაშუალების წარმომადგენლებმა, მის საცხოვრებელ სახლთან „კამერების კორიდორი“ მოაწყვეს და ცხედარი ამ კორიდორით გამოასვენეს. ადგილზე კი ყველა ის სამუშაო ნივთი მიიტანეს, რომელიც მას, 5 ივლისის აქციის გაშუქებისას თან ჰქონდა და რომელიც ფიზიკური ძალადობის დროს დაუმსხვრიეს.
ტაში და დახრილი კამერები - ასეთია ლექსო ლაშქარავას უკანასკნელი გზა. ტვ პირველის გარდაცვლილი ოპერატორი, სახლის ეზოდან მედიის წარმომადგენლებმა ტაშით გააცილეს. კოლეგებმა მისთვის საპატიო დერეფანი მოაწყვეს.
დღეს ქართული მედიისთვის მძიმე დღეა. სხვადასხვა ლოგოს და მიკროფონის მიუხედავად- სათქმელი ერთია. დაისაჯოს ყველა მოძალადე. გარდაცვლილი ოპერატორის სახლთან დღეს მისი დამტვრეული კამერის ნაწილებიც მიიტანეს.
„ტვ პირველის“ ოპერატორის სახლთან დილიდან ხალხმრავლობა იყო. ლექსოს ოჯახს სოლიდარობა ოპოზიციონერმა პოლიტიკოსებმა, სამოქალაქო აქტივსტებმა, არასამთავრობო სექტორის წარმომადგენლებმა, საზოგადოებისთვის ცნობილმა სახეებმა და რიგითმა მოქალაქეებმა გამოუცხადეს. გარდაცვლილი ოპერატორის დაკრძალვაზე, დღეს, ხელისუფლების არცერთი წარმომადგენელი არ გამოჩენილა.
ლექსო ლაშქარავას 5 ივლისს თბილისი პრაიდის საწინააღმდეგო აქციაზე, ძალადობრივი ჯგუფები ფიზიკურად იმ დროს გაუსწორდნენ, როდესაც ის პროფესიულ მოვალეობას ასრულებდა. მოძრაობა
"სირცხილიას" ოფისში შეჭრილმა მოძალადეებმა მას სახის ძვლები ჩაუმტვირიეს, რის გამოც ლექსო ლაშქარავას ოპერაციაც ჩაუტარდა. კლინიკიდან გამოწერიდან რამდენიმე დღეში კი ტვ პირველის ოპერატორი საკუთარ საწოლში გარდაცვლილი ნახეს. ლექსო ლაშქარავა ჯიქიას სასაფლაოზე, მამის გვერდით დაკრძალეს
5
s
s
s