26, ივლისი 2017 17:11:00
”ეროვნულ-დემოკრატიულმა ინსტიტუტმა“ მორიგი კვლევის შედეგები გამოაქვეყნა. კვლევის თანახმად, თანაბარია იმ მოქალაქეების რაოდენობა, ვინც თვლის, რომ საქართველო სწორი და არასწორი მიმართულებით ვითარდება. ანუ გამოკითხულთა 31% მიიჩნევს, რომ საქართველო ნამდვილად სწორი ან ძირითადად სწორი მიმართულებით ვითარდება. ასევე გამოკითხულთა 31% მიიჩნევს, რომ ქვეყანა ძირითადად არასწორი ან ნამდვილად არასწორი მომართულებით ვითარდება, ხოლო 35% მიიჩნევს, რომ არ იცვლება. გამოკითხულთა 52% მთავრობის საქმიანობას საშუალოდ აფასებს. კითხვაზე, როგორ აფასებთ მთავრობის საქმიანობას, გამოკითხულთა 1% აცხადებს, რომ ძალიან კარგად აფასებს, 9% აცხადებს, რომ მთავრობის მუშაობას კარგად აფასებს, გამოკითხულთა 23% მთავრობის საქმიანობას ცუდად აფასებს, ხოლო 12%- ძალიან ცუდად, 52%- საშუალოდ.