შემზარავი ფაქტი, ხელვაჩაურში, ფრიდონ ხალვაშის 223 ნომერში. მურად ჯაყელმა, დანით თვითდაზიანება იმ მიზეზით მიიყენა, რომ ბათუმის შემოვლითი გზის მშენებლობის გამო, აღსრულების ეროვნული ბიუროს თანამშრომლებმა საცხოვრებელი სახლიდან გამოასახლეს. მოქალაქეები საკუთარი ნებით საცხოვრებელს არ ტოვებდნენ. პროტესტის ნიშნად, ოჯახის ერთ-ერთმა წევრმა თვითმკვლელობა ჯერ ბენზინით, შემდეგ კი, დანის გამოყენებით სცადა. იგი სამედიცინო დაწესებულებაშია მოთავსებული და მისი ჯანმრთელობის მდგომარეობა ამ ეტაპზე სტაბილურია. რას ამბობენ, საქართველოს საავტომობილო გზების დეპარტამენტში და სხვა, პასუხისმგებელი ორგანოებში? ადგილზე მთელი დღის განმავლობაში, ჩვენი ჟურნალისტი სალომე უსტალიშვილი მუშაობდა, რომელიც თემის დეტალებს თავად გაგვაცნობს.
ტერიტორიაზე, სადაც ჯაყელები ოცდაათი წელი ცხოვრობდნენ, ახლა სახლის დემონტაჟი მიმდინარეობს და მალე აქ მხოლოდ ნანგრევები დარჩება. მურად ჯაყელმა, წინააღმდეგობის გაწევა თვითმკვლელობით სცადა და პროტესტის ნიშნად დანით თვითდაზიანება მიიყენა. ადგილიდან, ოჯახი საქართველოს საავტომობილო გზების დეპარტმენტის მოთხოვნით, ავტობანის მშენებლობის მიზნით გამოასახლეს.
სათანადო კომპენსირებაზე მოლაპარაკებები დიდი ხნის მანძილზე მიმდინარეობდა, თუმცა, ჯაყელები სახლს იმ მიზეზით არ ტოვებდნენ, რომ საკომპენსაციო თანხა არა საკმარისი იყო. აცხადებენ, რომ წასასვლელი არსად აქვთ და ღია ცის ქვეშ, ნანგრევებთან, იცხოვრებენ.
ოჯახის ადვოკატი აცხადებს, რომ გამოსახლების პროცესი უკანონოდ განხორციელდა, რადგან სასამართლოს ქონება დაყადაღებული ჰქონდა. იურისტი ირწმუნება, რომ კომპენსაციასთან და ქონების რეგისტრაციასთან დაკავშირებით სასამართლოში დავა ჯერ არ დასრულებულა.
საპირისპიროს აცხადებენ, საქართველოს საავტომობილო გზების დეპარტამენტში. აქ გვითხრეს, რომ ოჯახთან მოლაპარაკებები დიდი ხნის განმავლობაში მიმდინაროებდა. ირწმუნებიან, რომ თანხის პარალელურად ქირით უზრუნველყოფა შესთავაზეს, მაგრამ, მათი თქმით, ოჯახი ყველა წინადადებაზე უარს აცხადებდა.
აღსურულების ეროვნულ ბიუროში კი, აცხადებენ, რომ სახლი საჯარო რეესტრში რეგისტრირებული არაა. მიუხედავად იმისა, რომ ჯაყელებს საქართველოს საავტომობილო გზების დეპარტამენტმა, 232 ათასი ლარი დაურიცხა, ისინი მაინც უკმაყოფილოები იყვნენ.
ჯაყელები, ფრიდონ ხალვაშის ქუჩაზე, 3 ათასი კვადრატული მეტრის მიწის ფართობს 30 წლის განმავლობაში სარგებლობდნენ. სახელმწიფო კი, მათ, მხოლოდ, 400 კვადრატული მეტრი მიწის ნაკვეთის კომპენსირებას სთავაზობს.
2
s
s
s