16, ივლისი 2021 17:27:00
პრორუსული, ძალადობრივი პლატფორმის, ალტ-ინფოს დამფუძნებელი ზურაბ მახარაძე საცხოვრებელი სახლის ჩხრეკის შემდეგ პოლიციის განყოფილებაში გადაიყვანეს. სამართალდამცავებმა გურამ ფალავანდიშვილისა და კონსტანტინე მორგოშიას სახლებიც შეამოწმეს. შეგახსენებთ, 5 ივლისის ღირსების მარშის ჩასაშლელად, ძალადობრივი ჯგუფის ლიდერები, ხალხს, ქუჩაში გამოსვლისკენ მოუწოდებდნენ. ისინი შეიჭრნენ შენობაში, სადაც მოძრაობა სირცხვილიას ოფისი მდებარეობს და დაარბიეს ორგანიზაცია თბილისი პრაიდის ოფისიც. სწორედ აქ დაესხნენ თავს TV პირველის ოპერატორს, ლექსო ლაშქარავას.