საბაჟო გამშვებ პუნქტში ,,წითელი ხიდი“, მებაჟე ოფიცრებმა, ეჭვის საფუძველზე, აზერბაიჯანის მოქალაქის მართვის ქვეშ არსებული სატვირთო ამტომობილის დათვალიერების შედეგად, 25710 ლარის ღირებულების არადეკლარირებული საქონელი (ჩილიმის არომატიზატორები, საერთო წონით - 198 კილოგრამი) აღმოაჩინეს. აღნიშნული საქმის მასალები, შემდგომი რეაგირების მიზნით, ფინანსთა სამინისტროს საგამოძიებო სამსახურს გადაეცა. სამართალდარღვევის კიდევ ერთი ფაქტი აღიკვეთა საბაჟო გამშვებ პუნქტში ,,სარფი”, ფინანსთა სამინისტროს შემოსავლების სამსახურის მებაჟე ოფიცრების მიერ, ეჭვის საფუძველზე, საქართველოს მოქალაქის ავტომობილის დეტალური დათვალიერების შედეგად, არადეკლარირებული საქონლის, კერძოდ: 34,3 კილოგრამი, სხვადასხვა დასახელების სტომატოლოგიური მასალების შემოტანის მცდელობის ფაქტი აღიკვეთა. საქონლის საბაჟო ღირებულებამ 9479 ლარი შეადგინა. საქართველოს საბაჟო კოდექსის 168-ე მუხლის I ნაწილის შესაბამისად, კანონდამრღვევი მოქალაქე, 9479 ლარით დაჯარიმდა.
5
s
s
s