26, ივლისი 2017 17:07:00
როგორ იმუშავა მესამე მოწვევის უმაღლესმა საბჭომ, რამდენად ჯეროვნად ახორციელებდა საკანონმდებლო ორგანო კანონით დაკისრებულ ვალდებულებებს და მინიჭებულ უფლებამოსილებებს? რა ხარვეზები გამოვლინდა საბაჭოს მუშაობის პროცესში ? – „საერთაშორისო გამჭვირვალობა საქართველომ“ მესამე მოწვევის უმაღლესი საბჭოს მუშაობის ანგარიში წარმოადგინა. საკანონმდებლო საქმიანობა, მაკონტროლებელი ფუნქციები, ბიუჯეტის შესრულების კონტროლი, ქალთა მონაწილეობა საბჭოს საქმიანობაში, წევრთა აქტივობა, საკანონმდებლო ორგანოს ხარჯები და დეპუტატების კავშირი ბიზნესთან - ეს სწორედ ის საკითხებია, რომელზეც ყურადღება არასამთავრობო ორგანიზაციამ გაამახვილა. მესამე სექტორის შეფასებით, მესამე მოწვევის საკანონმდებლო პროცესი იყო პასიური. გამოიკვეთა ასევე საბჭოს კონტროლის ფუნქციების ნაკლებობა და ანგარიშვალდებულების დაბალი მაჩვენებელი. კვლევის პერიოდი 2012 - 2016 წლებს მოიცავს.