მოქალაქეების, მედიისა და მესამე სექტორის მდუმარე აქცია სასტუმრო შერატონთან. ბათუმის მე-17 საერთაშორისო კონფერენციაზე ჩამოსულ ევროპული საბჭოს პრეზიდენტს, მონაწილეები მოკლე მესიჯებით დახვდნენ. სცადეს, კიდევ ერთხელ ეჩვენებითან შარლ მიშელისთვის, რომ ქვეყანაში დემოკრატიამ უკუსვლა დაიწყო და რომ ხელისუფლება მედიას უკვე ღიად ებრძვის.
მოქალაქეები, მედიის წარმომადგენლები, არასამთავრობო სექტორი და პოლიტიკოსები - ევროსაბჭოს პრეზიდენტისთვის ხმის მიწვდენის მიზნით „შერატონთან“, პროტესტის გამოსახატად სამოქალაქო საზოგადოება შეიკრიბა. ეს კი იმ დროს, როდესაც სასტუმროში ბათუმის მე-17 საერთაშორისო კონფერენცია მიმდინარეობდა. მდუმარე აქციის მონაწილეები, შარლ მიშელს ტრანსფარანტებით შეხვდნენ და ამ ფორმით, მისთვის, ხმის მიწვდენა სცადეს.
„მედია თავდასხმის ობიექტია“, „ევროპა ჩვენი არჩევანია“, „თავისუფალი მედია თავისუფალი საზოგადოება“, „არა ავტორიტარიზმს“ - სასტუმროსთან შეკრებილებმა, ევროპელ დიპლომატს ქვეყანაში არსებული პრობლემები გააცნეს. მათი განმარტებით, საქართველოში, ხელისუფლების მხრიდან მედიაზე ზეწოლამ, სისტემატიური ხასიათი მიიღო.
კიდევ ერთი მთავარი მოთხოვნა 5-6 ივლისს მომხდარი მოვლენების ობიექტური გამოძიება და ყველა დამნაშავის კანონის შესაბამისად დასჯა იყო. შეკრებილებმა, ხელისუფლებას, პოლიტიკური პასუხისმგებლობის აღებისკენ კვლავ მოუწოდეს.
პროტესტი სასტუმროს მიმდებარედ, რამდენიმე საათს გაგრძელდა. იქამდე, ვიდრე საერთაშორისო კონფერენცია არ დასრულდა. მთელი ამ დროის განმავლობაში, ადგილზე, საპატრულო პოლიციის ასობით თანამშრომელი იყო მობილიზებული.
6
s
s
s