რატომ გახდა ისევ მზარდი ქვეყანასა და რეგიონში კოვიდ19-ით ინფიცირების შემთხვევები. ამაზე სხვადასხვაგვარ ვერსიას მოისმენთ. ბევრს ახალი კორონავირუსის არსებობის ისევ არ სჯერა, ნაწილი, შექმნილ რეალობას რეგულაციების შემსუბუქებით ხსნის, ნაწილი კიდევ იმით, რომ დღემდე შენარჩუნებულ აკრძალვებს ხშირად უგულვებელყოფენ. ადამიანები ერიდებიან სოციალური დისტანციის დაცვას და ხშირად პირბადის გამოყენებას დახურულ სივრცეში, მათ შორის საზოგადოებრივ ტრანსპორტში, თუმცა ხელისუფლების ოპონენტი მედიკოსების შეფასებით, ბოლო კვირების ტენდენციაზე გავლენას მაინც ვაქცინაციის ნელი პროცესი ახდენს. ამბობენ, რომ ქვეყანამ ვერა და ვერ უზრუნველყო შესაბამისი კამპანია უკეთესი იმუნიზაციისთვის.
ბოლო რამდენმე დღის განმავლობაში ქვეყანაში კორონავირუსით ინფიცირებს სტატისტიკა მზარდია. ბოლო სამი დღის მონაცემებით, რეგიონში დაახლოებით 400 ადამიანი დაინფიცირდა. ეს კი შესაძლოა მეოთხე ტალღის გარდაუვალობასაც ნიშნავდეს. რამ გამოიწვია შემთხვევების მატება? შესაძლოა ამას მრავალი მიზეზი ჰქონდეს. მაგალითად ის, რომ ზაფხულის სეზონთან დაკავშირებით, ბათუმის ბულვარში ხალხმრავლობაა, დისტანციას თითქმის არავინ იცავს. ამ ფონზე კი, ღია სივრცეში პირბადის ტარება სავალდებულო აღარაა.
გარდა იმისა, რომ შემსუბუქდა შეზღუდვები, ვაქცინაციის პროცესიც ნელი ტემპით მიმდინარეობს. მაგალითად, ზუსტად 4 თვის წინ დაწყებული იმუნიზაციის პროცესის მიუხედავად აჭარაში დღემდე ჯამში მხოლოდ 37 ათას 250 ადამიანია აცრილი. სპეციალისტების შეფასებით, ეს კი, იმას ნიშნავს, რომ ქვეყანა წლის ბოლომდე ვაქცინირებული ადამიანების შესაბამის საიმედო პროცენტულ რაოდენობას ვეღარ მიაღწევს. სოფიო ბერიძე ამბობს, რომ როგორც ჯანდაცვის რგოლი, ასევე, მოქალაქეებიც მარტივად ივიწყებენ გასული ტალღებისგან მიღებულ მარცხს, რამაც შესაძლოა ეკონომიკა კვლავ დააზარალოს.
ვაქცინაციის ნელ ტემპს ასახელებენ, ინფიცირების მზარდი სტატისტიკის მიზეზად ოპოზიციაში. ისინი ამბობენ, რომ სახელმწიფომ და ჯანდაცვის სისტმემამ იმუნიზაციის პროცესის შესაბამისი კამპანია ვერ უზრუნველეყო. გარდა ამისა, ქვეყნის მომარაგება პრეპარატების საკმარისი რაოდენობითაც ვერ შეძლო. ხელისუფლების ოპონენტები მიიჩნევენ, რომ მოქალაქეები უნიათო მთავრობის იმედად არ უნდა იყვნენ და მათი თქმით, სწორედ ამიტომ საზოგადოებამ თავად უნდა გაიაზროს ვაქცინის მნიშვნელობა და დროულად აიცრან.
დაავადებათა კონტროლისა და საზოგადოებრივი ჯანმრთელობის ეროვნული ცენტრის ხელმძღვანელის, ამირან გამყრელიძის განცხადებით, კორონავირუსის გამო დაწესებული შეზღუდვების მოხსნა ნაჩქარევად მოხდა. ამის შესახებ ამირან გამყრელიძემ რამდენიმე დღის წინ, მედიის წარმომადგენლებისთვის გამართულ ვებინარზე განაცხადა. თუმცა, აქვე აღნიშნა, რომ ქვეყნის ეკონომიკისთვისგარკვეული თავისუფლება საჭირო იყო.
რა მდგომარეობაა რეგიონში ეპიდემიოლოგიური თვალსაზრისით? რა პრევენციული ღონისძიებები იგეგმება? რატომ არ ხდება შესააბამისი რეაგირება უგულეებელყოფილ რეგულაციებზე? ჩვენ გვსურდა ამ და სხვა საკთხებზე პასუხი, აჭარის ჯანდაცვის სამინისტროსგან მოგვესმინა, თუმცა უწყებაში სატელევიზიო კომენტარი არ გააკეთეს.
12
s
s
s