20, ივლისი 2021 17:12:00
ღია სივრცეში პირბადის ტარება შესაძლოა, ისევ სავალდებულო გახდეს. ამის შესახებ დაავადებათა კონტროლის ეროვნული ცენტრის დირექტორმა განაცხადა. ამირან გამყრელიძის განმარტებით, ქვეყანაში შექმნილი ეპიდვითარების მიუხედავად, სამედიცინო ნიღაბს აღარც დახურულ სივრცეებში იყენებენ, რაც მდგომარეობას კიდევ უფრო ართულებს. ქვეყნის მთავარმა ეპიდემიოლოგმა დაანონსა, რომ საკითხს, საკოორდინაციო შტაბი დაამუშავებს, რის შემდეგაც განკარგულებაში შესაბამისი ცვლილებები შევა.