21, ივლისი 2021 16:55:00
მორიგი სასიამოვნო სიახლე მემთეურებისთვის და ტურისტებისთვის
ხვალიდან, მგზავრთა უფასო ტრანსპორტირებით უზრუნველყოფის პროგრამა ამოქმედდება.
გომისა (თაგინური) და საიჩარის მთების მიმართულებით, მგზავრთა უფასო ტრანსპორტირებით უზრუნველყოფის პროგრამა ხვალიდან ამოქმედდება, რომლისთვისაც 5 000 ლარი გამოიყო და სერვისით, როგორც მოიალაღეები, ასევე, ტურისტები ისარგებლებენ. პროგრამა 20 სექტემბრამდე გაგრძელდება.
ქედის მერიის გადაწყვეტილებით, მოსახლეობის მოთხოვნის, მანძილისა და მოიალაღეთა სიმრავლის გათვალისწინებით მიიღეს. პროგრამას ქედის ავტოსატრანსპორტო საწარმო განახორციელებს.
პროგრამის ფარგლებში, გამოყოფილია ერთი 24 ადგილიანი ავტობუსი და ერთი 16 ადგილიანი მიკროავტობუსი.
გასვლის განრიგი კი ასეთია:
- ყოველ ორშაბათს 08:00 საათი – ცხმორისის ცენტრიდან – თაგინურის მიმართულებით;
- ყოველ ხუთშაბათს 08:00 საათი – ცხმორისის ცენტრიდან – თაგინურის მიმართულებით;
- ყოველ შაბათს 08:00 საათი – ცხმორისის ცენტრიდან- საიჩარის მიმართულებით.