გუშინდელი უხვი ნალექის შემდეგ ხელვაჩაურის მუნიციპალიტეტში მეწყრული პროცესები გააქტიურდა. სტიაქიამ ზიანი მიაყენა მორთულაძეების ოჯახს. სოფელ კაპანდიპში მცხოვრებლებს დაძინება დღეს შიშის ქვეშ მოუწევთ, რადგან მიწის მასა საცხოვრებელთან ახლოს ჩამოწვა. რა დახმარებას გაუწევს მერია საფრთხის ქვეშ მყოფ ოჯახს?
მიწის მასა, საცხოვრებელ სახლს, ნელ-ნელა უფრო და უფრო უახლოვდება. მდგომარეობა გუშინდელი უხვი ნალექის შემდეგ, კიდევ უფრო, დამძიმდა. იმის შიში, რომ გაწვიმებისას დაიმეწყრებოდნენ გაუმართლდათ. ახლა, სტიქია სახლიდან ნახევარი მეტრითაა დაშორებული, როდის ჩამოწვება მიწა ბოლომდე არავინ იცის.
შიშობენ, რომ პროცესი, მომდევნო ძლიერი წვიმის შემდეგ დაიწყება. ადგილზე დაუსრულებელი ფერდსამაგრი სამუშაოების მიმდინარეობის გამო დატოვებული ღია არხი, მდგომარეობას უფრო ამძიმებს. წყალი სახლის ქვემოთ მიედინება, რის შედეგადაც საცხოვრებელს ბზარები გაუჩნდა.
ამჯერად, ფერდსამაგრი სამუშოების პროცესი ოჯახის მოთხოვნით შეჩერებულია. ამბობენ, რომ მერია კედლის ჩამოსხმას უხარისხოდ, ალმირების გარეშე ახორციელებს.
პროექტის შესახებ ხელვაჩაურის მერიაში ვიკითხეთ. აქ გვითხრეს, რომ ფერდსამაგრი სამუშაოები ნორმის ფარგლებში მიმდინარეობდა. რატომ არ იზიარებს პასუხისმგებელი უწყება მუნიციპალიტეტში მცხოვრები 6 სულიანი ოჯახის მოთხოვნებს? მერის მოადგილის პასუხი თავად განსაჯეთ.
პროექტისთვის 114 ათასი ლარია გამოყოფილი, ალმირებაზე მორთულაძეებს უარს ეუბნებიან, მერიაში გამოსავალს კი, როგორც მოისმინეთ სამუშაოების შეჩერებაში ხედავენ. რატომ ტოვებს მოსალოდნელი სტიქიის საშიშროების წინაშე მყოფ ოჯახს, პასუხისმგებელი ორგანო ბედის ანაბარა, მაშინ როცა, გასულ წელს, სოფელ „ჯოჭოში“ 5 ადამიანი, სწორედ, მეწყერმა იმსხვერპლა, გაუგებარია.
5
s
s
s