ადამიანის უფლებათა დაცვისა და სამოქალაქო ინტეგრაციის კომიტეტმა, ასევე იურიდიულ საკითხთა კომიტეტმა მხარი დაუჭირა მთავრობის მიერ ინიცირებულ საკანონმდებლო პაკეტს, რომლის საფუძველზეც პირებს, რომლებსაც პანდემიის გამო დაწესებული რეგულაციების დარღვევისთვის სისხლის სამართლის პასუხისმგებლობა დაეკისრათ, ამნისტია შეეხებათ.
კანონპროექტი კომიტეტებს საქართველოს მთავრობის საპარლამენტო მდივანმა წარუდგინა.
ბექა დოჭვირის თქმით, ამ კანონპროექტის მიხედვით, ადმინისტრაციული სახდელისგან საქართველოს 245 ათასი პირი გათავისუფლდება და ჯამში, დაახლოებით 76 მლნ-მდე ლარის ოდენობის ჯარიმა ჩამოიწერება.
„წარმოდგენილი ინიციატივა ეხება იმას, რომ 23 ივნისის ჩათვლით ის მოქალაქეები, რომლებმაც ჩაიდინეს როგორც ადმინისტრაციული, ისე სისხლის სამართლის დარღვევა, რაც ეხება კარანტინის და იზოლაციის წესების დარღვევას, გათავისუფლებული იქნებიან იმ ნაწილებში, რომელიც აღსრულებული არ ყოფილა. ეს შეეხება საქართველოს 245 000 მოქალაქეს და ჩამოწერილი იქნება დაახლოებით 76 მლნ-მდე ლარის ოდენობის ჯარიმას“,- თქვა დოჭვირმა.
4
s
s
s