28, ივლისი 2017 17:11:00
ბათუმის საქალაქო სასამართლომ არჩილ დევრიშაძეს პოლიციელის სტატუსი დროებით შეუჩერა. გადაწყვეტილება მოსამართლე გიორგი გრატიაშვილმა მიიღო, რომელმაც ქობულეთის პოლიციის თამანმშრომელს სტატუსი პროცესის დასრულებამდე შეუწყვიტა. პროკურორ მიქაელ ქობულაძის განცხადებით, სტატუსი გამოძიებას ხელს შეუშლიდა. პროკურატურამ არჩილ დევრიშაძე 21 ივლისს დააკავა. მას ჯერ სამსახურეობრივი უფლებამოსილების გადაჭარბებას ედავებოდნენ, მოგვიანებით კი საქმე გადაკვალიფიცირდა და პოლიციელს ხულიგნობაში დასდეს ბრალი. გამოძიების ინფორმაციით, დევრიშაძემ 5 დღის წინ ქობულეთის მკვიდრ 25 წლის რომან ქათამაძეს ქუჩაში ცეცხლსასროლი იარაღიდან ესროლა.