28, ივლისი 2017 17:08:00
აჭარისა და ლიტვის სოფლის მეურნეობის სამინისტროებს შორის თანამშრომლობის ხელშეკრულება გაფორმდა. დოკუმენტის თანახმად, 7 ქართველი მეფუტკრე და 7 ფერმერი 20%-იანი თანადაფინანსებით ისარგებლებენ. ფერმერებსა და მეფუტკრეებს რძის ელექტრო სეპარატორი, მარცვლეულის საფქვავი, კასრები და სოფლის მეურნეობასთან დაკავშირებული სხვადასხვა ინვენტარი გადაეცემათ. ხელშეკრულების პირობის საფუძველზე, მოწვეული ექსპერტი ფერმერებისთვის მცირე მეწარმეობისა და აგრობიზნესის განვითარებასთან დაკავშირებით ტრენინგებს ჩაატარებს.