27, ივლისი 2021 17:25:00
გარემოს ეროვნული ცენტრის ინფორმაციით, საქართველოში უამინდობა 29 ივლისამდე შენარჩუნდება. მათივე ცნობით, მოსალოდნელმა ძლიერმა ნალექებმა შესაძლოა, დასავლეთ საქართველოს მდინარეების წყლის დონეების მატება გამოიწვიოს.
“29 ივლისის დილამდე საქართველოში ნარჩუნდება დროგამოშვებით წვიმა ელჭექით, ზოგან ძლიერი, შესაძლებელია სეტყვა, ქარის გაძლიერება, ზღვაზე 2-3 ბალიანი ღელვა. მოსალოდნელმა ძლიერმა ნალექებმა შესაძლებელია დასავლეთ საქართველოს მდინარეების წყლის დონეების შემდგომი მატება, ხოლო ქვეყნის მთიან ზონებში მეწყრული პროცესების ჩასახვა - გააქტიურება გამოიწვიოს”, - წერია ინფორმაციაში.