27, ივლისი 2021 18:08:00
ქედის საკრებულოს სხდომა ბოიკოტის ფონზე. ოპოზიციონერი დეპუტატები, საკანონმდებლო ორგნოს სხდომას, არ ესწრებიან. პრეტენზიები აქვთ, ქედის საკრებულოს მუშაობის ხარისხთან დაკავშირებით. ვის რა მოტივი და არგუმენტი აქვს საკითხთგან დაკავშირებით, ვრცლად სიუჟეტში ნახავთ.
ქედის მერიის საშტატო ნუსხა ორი შტატით იზრდება. განკარგულება, რომლითაც მერიის ჯანდაცვის სამსახურს ახალი - „ბავშვთა დაცვისა და მხარდაჭერის გაყოფილება“ ემატება მუნიციპალიტეტის საკრებულომ, რიგგარეშე სხდომაზე, 13 ხმით დაამტკიცა. მიუხედავად იმისა, რომ წარმომადგენლობითი ორგანო 24 წევრისგან შედგება, სხდომას, მხოლოდ 13 დეპუტატი ესწრებოდა. არ იყო ოპოზიცია. შესაბამისად, არც კრიტიკული კითხვები დასმულა. უფრო მეტიც, ქვორუმის არ არსებობის გამო სხდომა თითქმის ერთი საათის დაგვიანებით დაიწყო. საკრებულოს თავმჯდომარე, დეპუტატების არყოფნას პანდემიით ხსნის და განმარტვას, რომ ეს რეალობა კორონავირუსმა გამოიწვია.
საკრებულოს ოპოზიციონერი წევრის განცხადებით, „ერთიანი ნაციონალური მოძრაობის“ ფრაქცია ქედის საკრებულოს მოიკოტს უცხადებს. ვაჟა ბოლქვაძე ამას იმ მიზეზით ხსნის, რომ მისივე თქმით, წარმომადგენლობითი ორგანო განსხვავებულ აზრს არ იზიარებს და ოპონენტების ინიცირებებს ბლოკავს.
პროექტით, ჯანდაცვის სამსახურში, ორი შტატიდან ერთი, ბავშვთა უფლებების დაცვისა და მხარდაჭერის განყოფილების უფროსის პოზიციაა და მასზე გაწერილი სახელფასო სარგო 1200 ლარს შეადგენს. რაც შეეხება მეორე შტატს, იგი ბავშვთა სოციალური მუშაკის აყვანას გულისხმობს, რაზეც თანამდებობრივად - 800 ლარია გათვალისწინებული.
ქედის მერიის ჯანდაცვის სამსახურის უფროსი განმარტავს, რომ მერიაში ბავშვთა საკითხებზე ხელშეკრულებით აყვანილი თანამშრომლები მუშაობენ და ამ დროისთვის, სამსახურს სოციალური მუშაკიც ჰყავს და ბავშვთა ზედამხედველიც. რაც შეხება იმ შტატებს, რომელიც მერიას დაემატება, თანამშრომლებს კონკურსის წესით შეარჩევენ.
ამ ეტაპზე ქედის მერიას შტატით გათვალისწინებული 87 თანამშრომელი ჰყავს, იმ შემთხვევაში, თუ ქედის საკრებულო ახალ საშტატო ნუსხას დაამტკიცებს, შტატით გათვალისწინებული პოზიციები 89 გახდება.