სტიქიამ პრობლემები შექმნა გონიო-კვარიათშიც. დაიტბორა სახლები, დაზიანდა საყოფაცხოვრებო ტექნიკა. მოქალაქეები ყვებიან, რომ ზარალი დიდია. ადგილობრივები შექმნილ ვითარებაში ერთ-ერთი სასტუმროს მფლობელს ადანაშაულებენ, რომელმაც მათივე მტკიცებით განთავსების ობიექტი სანიაღვრე არხზე ააშენა.
იმას, რასაც ქოქოლაძეები წლების განმავლობაში აშენებდნენ, უხვი ნალექის შედეგად გაუნადგურდათ. წვიმის დროს, დაიტბორა საცხოვრებელი სახლის პირველი სართული, შედეგად კი, დაზიანდა საყოფოცხოვრებო ტექნიკა. ამბობენ, რომ გონიოში ასეთი ვითარება, მას შემდეგ დგება, რაც სასტუმრო „მგზავრებმა“ მშენებლობა სანიაღვრე არხზე განახორციელა.
მოქალაქეები ამბობენ, რომ ვითარების შესახებ ხელისუფლებამ კარგად იცის, თუმცა საკითხით არავინ ინტერესდება.
უხვი ნალექის შედეგად ადგილობრივებს, ათასობით ლარის ზარალი მიადგათ. ამბობენ, რომ სახლების რემონტისთვის თანხა ბანკიდან ისესხეს და როგორ მოახერხებენ ვალის გადახდას არ იციან.
ჩვენ, ბრალდების ადრესატს მივაკითხეთ, სასტუმროს ადმინისტრაციაში გვითხრეს, რომ ფაქტის შესახებ არაფერი იციან.
აუნაზღაურებს თუ არა მერია მოქალაქეებს მიყენებულ ზიანს? ბათუმის მერიაში წერილობით განმარტეს, რომ :
დაეხმარება თუ არა გონიოელებს ხელისუფლება ეს ჯერ კიდევ საკითხავია. ადგილობრივები კი, ამბობენ, რომ თუ მთავრობა დროულ რეაგირებას არ მოახდენს ქუჩებს გადაკეტავენ.
4
s
s
s