მმართველი გუნდის მიერ, შარლ მიშელის შეთანხმების ანულირებულად გამოცხადებას შეფასებები მოჰყვა აჭარაშიც. ხელისუფლების ოპონენტები ამბობენ, რომ „ქართულმა ოცნებამ“ ამ ნაბიჯით, საქართველოს ევროპულ მომავალს წერტილი დაუსვა. მათივე თქმით, მმართველმა გუნდმა, ქართველი ხალხი და ამომრჩეველი კიდევ ერთხელ მოატყუა. ოპოზიციაში ვარაუდობენ, რომ ამგვარი პოლიტიკით საბოლოოდ რუსეთის ფედერაციის ნაწილი გავხდებით და პროცესი იქამდე გაგრძელდება, ვიდრე საზოგადოება არ გამოცოცხლდება.
ქვეყანას ხელისუფლება არ ჰყავს - ასე აფასებენ „ერთიან ნაციონალურ მოძრაობაში’’ მმართველი გუნდის მიერ შარლ მიშელის დოკუმენტის ანულირებას. გიორგი კირთაძე ამბობს, რომ „ქართული ოცნება“ შეშინებულია, რადგან არჩევნებში გამარჯვების იმედი არ აქვთ. მთავარი ოპოზიციური პარტიის წარმომადგენელი იმედოვნებს, რომ საერთაშორისო პარტნიორებისგან შესაბამისი რეაგირება უახლოეს პერიოდში მოხდება.
თვითმმართველობის არჩევნებში მმართველი გუნდის უპერსპექტიბობას უკავშირებენ "ოცნების" ამ გადაწყვეტილებას პარტიაში „ლელო საქართველოსთვის’’. ვაჟა დარჩიას თქმით, "ქართული ოცნების" წევრებმა ხელისუფლებაში დარჩენის ალტერნატივად ეს გზა მოიფიქრეს.
მმართველი გუნდის ქმედებას აფასებენ პარტია ‘’გირჩი-მეტი თავისუფლებაში’’. თემურ გორგაძის თქმით, შარლ მიშელის შეთანხმება პოლიტიკური კრიზისის განსამუხტად შეიქმნა, მაგრამ ქართულმა ოცნებამ ამ შეთანხმებას უღალატა, რითაც ამომრჩევლებთან ერთად, ამერიკელი და ევროპელი პარტნიორებიც გადააგდო.
მოულოდნელ გადაწყვეტილებასთან დაკავშირებით, მმართველი გუნდის პოზიციების მოსმენაც გვსურდა, თუმცა, მაღალჩინოსნებმა, რომლებიც რეგიონში "ქართულ ოცნებას" წარმიადგენენ „TV25”- თან განმარტებების გაკეთება არ ისურვეს. ახლა, რიგგარეშე საპარლამენტო არჩევნები, არა თვითმმართველობის არჩევნებზე, არამედ, მმართველი პარტიის სახედ ქცეული კობახიძის თქმით, ოპოზიციის კარგ ქცევასა და ოცნების ხელისუფლების კეთილ ნებაზეა დამოკიდებული.
8
s
s
s