30, ივლისი 2021 17:12:00
მოქალაქე ენერგო პრო ჯორჯიას წინააღმდეგ. თამარის დასახლებაში მცხოვრები გოგიტა მორცხვალაძის თქმით, უკვე რამდენიმე კვირაა ღამის საათებში ტბეთის ქუჩას დენი არ მიეწოდება. მორცხვალაძეების ოჯახში მცხოვრებ შშმ პირს კი, მუდმივად ჩართული აპარატურა ესაჭიროება. ფსიქოლოგიური პრობლემების გამო სპეციალური საჭიროებების მქონე არასრულწლოვანს სიბნელეში ცხოვრება უჭირს. „ენერგოპროჯორჯიაში“ განმარტეს, რომ ელექტროენერგიის გათიშვა კომპანიის მიზეზით არ ხდება და რომ იგი ავტობანის მშენებლობას უკავშირდება. კომპანიაში ირწმუნებიან, რომ სამუშაოები 3 აგვისტოს დასრულდება. მანამდე კი აღნიშნულ ოჯახს, გენერატორით უზრუნველყოფენ.