03, აგვისტო 2021 21:38:00
ქედის მუნიციპალიტეტში მოპოვებული უძველესი ყოფის ამსახველი არქეოლოგიური, თუ ეთნოგრაფიული მასალები ისეთ საგამოფენო სივრცეში ინახება, სადაც წვიმის დროს წყალი ჩადის. მეტიც იქ არსებული ექსპონატებისთვის სივრცე არასაკმარისია. ისტორიული მუზეუმი, რომ წლებია სარეაბილიტაციოა ამას მერიაშიც ადასტურებენ. პრობლემის გადასაჭრელად ქედის მერიამ გასულ წელს თანხაც გამოყო, რეაბილიტაცია შარშან უნდა დაწყებულიყო. ერთი წლის შემდეგ კი სამუშაოები ჯერ კდიევ საწყის ეტაპზეა. უფრო მეტიც, ახლა ეს საკითხი სასამართლო დავის საგანია. სად და რა ვითარებაში ინახება ექსპონატები, ვრცლად ჩვენს სიუჟეტში ნახავთ.
ქედის ისტრიულ მუზეუმის რეაბლიტაციის საკითხს სასამართლო განიხილავს. სასამართლოს, ტენდერში გამარჯვებულმა იმ კომპანიამ მიმართა, რომელმაც ქედის მერის მოადგილის ინფორმაციით, ხელშეკრულებით ნაკისრი ვალდებულება ვერ შეასრულა. როლანდ ბერიძე აქვე იმასაც დასძენს, რომ კომპანიამ სასამართლოს იმ დროს მიმართა, როდესაც მერიას შესყიდვების სააგენტოსთვის, აღნიშნული კომპანიის - შავ სიაში გადატანის თაობაზე უნდა მიემართა.
ოპოზიცია ქედის მერიას მუშაობას უწუნებს და აცხადებენ, რომ ეს ერთადერთი ობიექტი არ არის, სადაც სამუშაოები არასათანადოდ ხორციელდება.
მუზეუმს ქედაში არსებობის 20 წელზე მეტი ხნის ისტორია აქვს. ამ პერიოდის განმავლობაში, საგამოფნო სივრცეს, ახალი ექსპონატებით ივსებოდა. დღეისათვის აქ ორი - არქეოლოგიური და ეთნოგრაფიული განყოფლება არის, 5 ათასზე მეტი ექსპონატი კი, ისეთ სივრცშია დაცული, სადაც წვიმის დროს შენობაში წყალი ჩადის.
რადგან, შენობა სარეაბილიტაციო იყო, ამავდროლად არსებული სივრცე მუზეუმისთვის არასაკმარისი, ქედის მერიამ შენობის ადგილმონაცვლეობა გადაწყვიტა. მუზეუმის განსათავსებლად, ყოფილი ორ სართულიანი ადმინისტრაციული შენობა გამოყეს, რის სარეკონსტრუქციოდ ადგილობრივი ბიუჯეტიდან სოლიდური თანხაც გაწერეს. ქედის მერიასა და კომპანია „ნევ სტაილ ბილდინგს“ შორის ხელშეკრულება გასული წლის 5 მარტს, დაახლოებით 310 ათას ლარზეა გაფორმებული. რეაბილიტაცია 2020 წლის 1-ელ სექტემბერს უნდა დასრულებულიყო, თუმცა სამუშაოები თითქის საწყის ეტაპზეა. არსებული მდგომარეობის მიუხედავად, ქედის საკრებულოს თავმჯდომარე მერიის მუშაობით კმაყოფილია.
იმის გასარკვევად, თუ რა პოზიცია აქვს კომპანიას, რატომ ვერ შეასრულა ტენდერით ნაკისრი ვალდებულება და რას ედავება ქედის მერიას, ჩვენ კომპანიის დირექტორთნ ოთარ დიასამიძესთან დაკავშირება ვცადეთ. შესყიდვების სააგენტოს ვებგვერდზე მითითებული ნომერი გამორთული ჰქონდა.