05, აგვისტო 2021 21:16:00
40 ათას 200 ლარი პასიური დეპუტატების ხელფასებისთვის. თანხა ქედის ადგილობრივი ბიუჯეტიდან გაიხარჯა. საკრებულოს სრული შემადგენლობიდან, დეპუტატების 87.5% პასიურია. ამას არასამთავრობო ორგანიზაციის მიერ გამოქვეყნებული დასკვნა ადასტურებს. წარმომადგენლობითი ორგანოს თანამდებობის პირებიდან ვინ არის პასიური, ვინ არ იმყოფება სამუშაო სააათებში სამსახურში და ვისთვის არის ქედის საკრებულოში ყოფნა, მხოლოდ ფინანსური შემოსავლის წყარო? ეკა ბარამიძის რეპორტაჟიდან გაიგებთ.
ქედის საკრებულოში, ჩვენმა გამოჩენამ და იმის გადამოწმებამ, იმყოფებიან თუ არა სამუშაო საათებში, თანამდებობის პირები სამსახურში, წარმომადგენლობითი ორგანოს თავმჯდომარე იმდენად გააღიზიანა, რომ სიტყვიერ შეურაცყოფაზეც გადავიდა. შუქრი თურმანიძემ კამერის გამორთვაც მოგვთხოვა და საჯარო დაწესებულების გადაღებისთვის, მისგან უფლების მოპოვებაც.
შუქრი თურმანიძის გარდა შენობაში, დილიდან მხოლოდ სამანდატო-საპროცედურო კომისიის თავმჯდომარე, ამირან დევაძე იმყოფება. ქედის საკრებულოს სრული შემადგენლობიდან, დეპუტატების 87.5% პასიური და მეტ-ნაკლებად პასიური რომაა ამის შესახებ კვლევა, საზოგადოებრივი განვითარების აკადემიამ გამოაქვეყნა.
არასამთავრობო ორგანიზაციის ინფორმაციით, მუნიციპალიტეტის ადგილობრივმა თვითმართველობამ, მათ ანაზღაურების სახით, 40 ათას ლარზე მეტი გადაუხადა. საკრებულოს თავმჯდომარის მოადგილესთან ერთად, ამ სიაში კიდევ ხუთი თანამდებობის პირი - გოჩა გორგილაძე, სილოვან ბერიძე, არჩილ გორგილაძე, როსტომ შერვაშიძე და ტარიელ მანველიძე მოხვდა. ისინი, ორგანიზაციის დასკვნას არ ეთანხმებიან და აცხადებენ, რომ გუნდურად მუშაობენ.
საკრებულოს თანამდებობის პირებიდან, არასამთავრობო ორგნიზაცის კვლევაში, პასიური დეპუტატების რიცხვში არ მომხვდარამ, ვაჟა ბოლქვაძე, ამირან დევაძე, ოთარ ხარაძე და რეზო თურმანიძე.
ქედის საკრებულოს, დღეს ბიუროს სხდომაც ჰქონდა ჩანიშნული. ვიკითხეთ, რატომ არ იმყოფებოდნენ თანამდებობის პირები სამუშაო დროს სამსახურში და ეთანხმებიან თუ არა არასამთავრობო ორგანიზაციის დასკვნას პასიურ დეუტატებთან დაკავშირებით. თავმჯდომარემ ასე გვიპასუხა:
ქედის საკრებულოში სულ 24 დეპუტატია. პასიური დეპუტატების სიაში, თანამდებობის პირების გარდა, საკრებულოს რიგითი წევრებიც მოხვდნენ.