საგანგაშო ეპიდვითარების ფონზე ქვეყანაში შეზღუდვები და აღსრულების მონიტორინგი მკაცრდება. კორონავირუსის ანტირეკორდულ მაჩვენებელს, სპეციალისტები მოქალაქეების მხრიდან რეგულაციების უგულებელყოფას უკავშირებენ. დარღვევებს ამჩნევენ თავად მოქალაქეებიც. ნაწილი არსებულ რეალობას ეწინააღმდეგება მეორე შემთხვევაში კი პირიქით. ის ვინც აღნიშნულს პასუხისმგებლობით ეკიდება ქუჩაში თუ ტრანსპორტში ერთმანეთს სიფრთხილისკენ და პირბადის გამოყენებისკენ მოუწოდებენ. რა დაღრვევებს ამჩნევენ გარშემო ადამაინები და როგორ რეაგირებენ ისინი ვნახოთ სიუჟეტი.
მიუხედავად იმისა, რომ ქვეყანაში ინიფიცირების რაოდენობა ყოველდღიურად მზარდია და ამის შესახებ მოქალაქეებს ინფორმაცია მუდმივად მიეწოდებათ, რეგულაციების უგულებელყოფას ქუჩაში ხშირად შევხვდებით. მაგალითად: ადგილობრივები გადაადგილდებიან პირბადის გარეშე, დადიან ქორწილებსა და სხვა ღონისძიებებზე. სწორედ ამიტომ ეპიდემიოლოგები ამბობენ, რომ თუ კი მოსახლეობა პასუხისმგებლობას არ გაითავისებს, ეფექტური არცერთი შეზღუდვა იქნება.
ადამიანთა ნაწილი, რომელიც რეგულაციებს ითვალისწინებს და სხვის დარღვევებს ამჩნევს, რეაგირებას სხვადასხვა ფორმით გამოხატავს. ხშირად საზოგადოება აკრძალული ღონისძიებების განხორციელების შემთხვევაში, ინფორმაციას პოლიციას აწვდის.
საზოგადოების ნაწილი დარღვეული რეგულაციების დაფიქსირებაზე ყურადღებას არ ამახვილებს. მათ მიაჩნიათ, რომ ადამიანმა საკუთარი უსაფრთხოება თავად უნდა დაიცვას. წინააღმდეგ შემთხვევაში კი რეაგირებას აზრი არ აქვს. ქალაქში ხშირად შეხვდებით ისეთებსაც, რომლებიც საზოგადოებრივ ტრანსპორტში ერთმანეთს პირბადის გამოყენებისკენ მიუთითებენ.
იმის გამო, რომ მოქალაქეთა უმრავლესობა არსებულ რისკებს სათანადოდ არ აფასებს და რეგულაციებსაც უგულებელყოფს, შრომის ინსპექციამ დარღვევებზე მონიტორინგი გაამკაცრა. თუ კი 5 ადამიანზე მეტი პირი ერთობლივად, პირბადის გარეშე გადაადგილდება, ისინი 20-20 ლარით დაჯარიმდებიან. ხალხმრავალი ღონისძებების გამართვის შემთხვევაში კი ფიზიკური 2 ათასი, ხოლო იურიდიული პირი 10 ათასი ლარით დაჯარიმდება.
5
s
s
s