16, აგვისტო 2021 09:51:00
ჰაიტიზე დამანგრეველი მიწისძვრის შედეგად დაღუპულთა რიცხვი 1 297 -მდე გაიზარდა, - ამის შესახებ Reuters-ი წერს.
გავრცელებული ინფორმაციით, 5 700-მდე დაშავებული საავადმყოფოებში მკურნალობს.
სააგენტოს ცნობითვე, ჰაიტიზე 7.2 მაგნიტუდის სიმძლავრის მიწისძვრამ დაანგრია ან/და მნიშვნელოვნად დააზიანა ასობით სახლი, ასევე სასტუმროები, საავადმყოფოები და სკოლები. ათასობით ადამიანი ღია ცის ქვეშ ათევს ღამეს.
მაშველები ნანგრევებში მოყოლილების ძებნას ამ დრომდე განაგრძობენ.
"ჰაიტიზე ტროპიკული შტორმი „გრეისი“ და მისგან გამოწვეული ძლიერი წვიმა და წყალდიდობაა მოსალოდნელი, რაც სამაშველო სამუშაოებს გაართულებს" - ამბობენ ქარიშხლების ეროვნულ ცენტრში.
კუნძულზე ერთთვიანი საგანგებო მდგომარეობა გამოცხადდა.
ცნობისთვის, ჰაიტზე საკმაოდ ძლიერი მიწისძვრა ბოლოს 2010 წელს მოხდა, რა დროსაც 200 000-ზე მეტი ადამიანი დაიღუპა და ქვეყანაში შენობების უმეტესობა გაანადგურა.