კურორტ ბეშუმის მიმდებარედ უამრავი საზაფხულო იალაღია. აქ, აჭარის მთის სოფლებიდან, ძირითადად კი ხულოდან, მოსახლეობა მესაქონლეობას მისდევს. ქვეყანაში შექმნილი რთული ეპიდემიოლოგიური ვითარები ს მიუხედავად, მთაში მყოფი დროებითი მცხოვრებლები აცრის გაკეთებას ვერ ახერხებენ, რადგანაც ვაქცინაციის უახლოესი პუნქტი, მხოლოდ ხულოს ცენტრშია. მემთეურებს შორისაა უხუცესი მარიამ დეკანაძე. ამბობს, რომ იმუნიზაციის პროცესში ჩასართავად ხულოში ვერ ჩადიან, შესაბამისად აქ მყოფი ადამიანების დიდი ნაწილი აუცრელი რჩება.
მოსახლეობა ითხოვს, რომ ბეშუმში ვაქცინაციისთვის სამედიცინო პუნქტი გაიხსნას, სადაც ადგილობრივები თუ მის მიმდებარე იალაღებზე მყოფი მოქალაქეები აიცრებიან.
ჯანდაცვის სამინისტრომ, კურორტ ბეშუმზე კოვიდ ტესტირების უფასო ცენტრი 16 აგვისტოს გახსნა. დამსვენებლებსა, თუ მემთეურებს კორონავირუსზე უფასოდ ტეტის ჩატარება აქ, კვირის განმავლობაში, ორ დღეს შეეძლებათ, რადგანაც პუნქტი, მხოლოდ ორშაბათსა და პარასკევს მუშაობს.
ოპოზიციაში მიაჩნიათ, რომ ხელისუფლება პანდემიას არაადეკვატურად მართავს. აცხადებენ, რომ მთაში მყოფი მოქალაქეების ვაქცინაცია სოფლებში დაბრუნებამდე უნდა მოხდეს, რადგანაც მათივე ინფორმაციით, ვირუსის გავრცელების სტატისტიკა ყოველდღიურად მზარდია და, თუ იმუნიზაციის პროცესი არ დაჩქარდა, რამდენიმე დღეში მაჩვენებელი პიკს მიაღწევს.
მემთეურები, ძირითად საცხოვრებელ სახლებს ადრე გაზაფხულზე ტოვებენ და პირუტყვის გამოსაკვებად მთებში გვიან შემოდგომამდე რჩებიან.
2
s
s
s