„ქართულმა ოცნებამ“ თბილისში ჩატარებული შიდაპარტიული სოციოლოგიური კვლევის შედეგები გამოაქვეყნა, რომლის მიხედვითაც, ხვალ რომ ადგილობრივი არჩევნები ტარდებოდეს გამოკითხულთა 47.7% მხარს „ქართულ ოცნებას“ დაუჭერდა, „ნაციონალურ მოძრაობას“ კი 25.2%.
კვლევის შედეგების მიხედვით, ხვალ რომ თბილისის მერის არჩევნები ტარდებოდეს, კახა კალაძეს ხმას გამოკითხულთა 60.1% მისცემდა, ნიკა მელიას კი 29.2%.
კითხვაზე, ხვალ რომ ადგილობრივი არჩევნები გაიმართოს, რომელ პოლიტიკურ პარტიას მისცემდით ხმას, პასუხები ასე განაწილდა:
„ქართული ოცნება“ - 47.4%; „ნაციონალური მოძრაობა“ - 25.2%; „გირჩი - მეტი თავისუფლებისთვის“ 4.9%; „საქართველოსთვის“ - 4.7%; „მოქალაქეები“ - 3.2%; „ლელო“ - 2.4%; „პატრიოტთა ალიანსი: -1.9%; „ევროპული საქართველო“ -1.8%; „სტრატეგია აღმაშენებელი“ - 1.7%; „გირჩი“ - 1.1%; „ლეიბორისტული პარტია“ - 0.7%; „ერთიანი საქართველო“ - 0.7%; სხვა პარტიები - 4.3%.
ამ მონაცემებით თბილისის საკრებულოს წევრთა 40 მანდატი პარტიებს შორის შემდეგი სახით განაწილდებოდა: „ქართული ოცნება“ 22 მანდატი; „ნაციონალური მოძრაობა“ 12 მანდატი. „გირჩი - მეტი თავისუფლება“, „საქართველოსთვის“ და „მოქალაქეები“ 2-2 მანდატი.
თბილისის მერობის კანდიდატების შეწონილი რეიტინგები - კითხვაზე, ხვალ რომ თბილისის მერის არჩევნები ტარდებოდეს, რომელ კანდიდატს მისცემდით ხმას, პასუხები ასე განაწილდა: კახა კალაძე 60.1%; ნიკანორ მელია 29.2; სხვა კანდიდატები 10.7%.
"ოცნების" დეპუტატის, მიხეილ სარჯველაძის ინფორმაციით, სოციოლოგიური კვლევის საველე სამუშაოები ჩატარდა 21-დან 25 აგვისტოს ჩათვლით პირისპირ გამოკითხვის მეთოდით. კვლევის ფარგლებში გამოიკითხა 2958 რესპონდენტი, სადაც ფავორიტი პარტია გამოკითხულთა 79.2%-მა დაასახელა. ცდომილების ზღვარი 3%-ია.
1
s
s
s