როგორც აღმოჩნდა, პროტესტის გამოსახატად ქუჩაში გამოსული მოქალაქეები, აჭარის ფინანსთა და ეკონომიკის მინისტრს არ აწუხებს. ეს, თავად განაცხადა. შეხვედრა შედგა, თუმცა, როგორც ყოველთვის ისევ უშედეგოდ დასრულდა. სავარაუდოდ, ჯაბა ფუტკარაძისთვის აქციები, არც დისკომფორტის შემქმნელია.
არადა, მოქალაქეები, ქუჩაში, სწორედ, ხელისუფლებისთვის, დისკომფორტის შესაქმნელად გამოდიან. პანდემიის დროს, ქუჩაში გამოსვლა და საპროტესტო აქციები არც, მათთვისაა მისაღები, თუმცა გამომდინარე იქედან, რომ თორნიკე რიჟვაძეს, ხმა სხვაგვარად ვერ მიაწვდიენეს, მცირე ბიზნესის წარმომადგენლებისთვის, ეს ალტერნატიული გზა აღმოჩნდა.
საქმე იმაშია, რომ ქობულეთში მცხოვრები, საოჯახო ტიპის სასტუმროების მფლობელების ნაწილი, იძულებულნი არიან, სახლები გაყიდონ და ბანკის ვალები, ამ გზით, გადაიხადონ. ეს, იმ მიზეზით, რომ მათი თქმით, ტურისტული სეზონი ჩავარდა.
მოქალაქეებმა, პროტესტის თითქმის ყველა ფორმას მიმართეს. რამდენიმე საათის განმავლობაში ისინი, ქობულეთის მერიის შენობის კიბეებზე ისხდნენ, თუმცა, მირიან ქათამაძე მათთან სასაუბროდ არ გამოვიდა. ადგილზე, გომელაურის უწყების განსაკუთრებული რაოდენობა იყო მობილიზებული და იმისთვის, რომ მერის კაბინეტამდე არ მიეღწიათ, ხალხის მასის შეჩერებას ცდილობდნენ.
იმის იმედი, რომ მოქალაქეებსა და მთავრობას შორის მოლაპარაკებები შედგებოდა, უფლებადამცველს არ ჰქონდა. ასეც მოხდა. თამაზ ბაკურიძე იმედოვნებს, რომ ადგილობრივი ხელისუფლება თუ არა, მოქალაქეების გასაჭირს, ცენტრალური ხელისუფლება მაინც მიიტანს გულთან.
აჭარის მთავრობის იმედი, მოქალაქეებმა საბოლოოდ დაკარგეს. დაგეგმილი კარვების გაშლა, დღეს იმ მიზეზით გადაიფიქრეს, რომ ჯაბა ფუტკარაძის დახმარების იმედი ჰქონდათ. გამომდინარე იქედან, რომ მხარეები ვერ შეთანხმდნენ, რამდენიმე დღეში ქობულეთში უწყვეტი აქციების ტალღა იგეგმება.
15
s
s
s